ނަވާރަ އަހަރުން ދަށުގެ ސާފް ޗެމްޕިއަންޝިޕްގައި ދިވެހިރާއްޖެ އާއި ބޫޓާންގެ އިތުރުން ބަންގްލަދޭޝް އެއް ގްރޫޕެއްގައި ހިމެނިއްޖެއެވެ.

އަންނަ މެއި މަހުގެ 9 އިން 18 އަށް ތާވަލްކުރެވިފައިވާ މުބާރާތުގެ ހުރިހާ މެޗެއް ކުރިއަށްދާނީ އިންޑިއާގެ ޔޫޕިއާގައި ހުންނަ ގޯލްޑެން ޖުބިލީ ސްޓޭޑިއަމްގައެވެ.

މިއަދު ބޭއްވުނު ގުރުއަތުލުމުގެ ރަސްމިއްޔާތުގައި ސަރަހައްދުގެ ހުރިހާ ގައުމެއް ތިން ޕޮޓަކަށް ބަހާލާފައިވަނީ މިދިޔަ ޑިސެމްބަރު މަހުގެ ފީފާ ރޭންކިންގ އަށް ބަލައިގެންނެވެ.

މުބާރާތުގެ ގްރޫޕް ބީގައި ހިމެނެނީ، އެންމެ ފަހުގެ ޗެމްޕިއަން، އިންޑިއާގެ އިތުރުން ނޭޕާލް އާއި ސްރީ ލަންކާ އެވެ.

ކޮންމެ ގްރޫޕަކުން އެންމެ މަތިން ރޭންކްކުރާ ދެ ޓީމު ސެމީ ފައިނަލަށް ކޮލިފައިވާނެއެވެ. ސެމީ ފައިނަލް ކުޅޭނީ މޭ މަހުގެ 16 ވަނަ ދުވަހުއެވެ.

މުބާރާތުގެ ފައިނަލް މެޗު ކުޅޭނީ މޭ މަހުގެ 18 ވަނަ ދުވަހުއެވެ.