މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އާއި އުރީދޫ ނޭޝަން އެމްވީ ގުޅިގެން ޒުވާނުންނަށް ބާއްވާ "ރަމަޟާން އީސްޕޯޓްސް ފެސްޓިވަލް 2025" ގައި ބައިވެރިވާން ހުޅުވާލައިފިއެވެ. 

އީގޭމިންއަށް ޝައުގުވެރިވާ ޒުވާނުންނަށް ބާއްވާ އީސްޕޯޓްސް ފެސްޓިވަލް ކުރިއަށްދާނީ މިމަހުގެ 12، 13 އަދި 14 ވަނަ ދުވަހު ޒުވާނުންގެ އިތުރުވެހީގައެވެ. 

މި ފެސްޓިވަލްގައި އޮންލައިން އަދި އޮފްލައިން ގޭމިން މުބާރާތްތައް ބޭއްވުމަށް ވަނީ ހަމަޖެހިފައެވެ. އެގޮތުން ކުރިއަށްގެންދިއުމަށް ހަމަޖެހިފައިވަނީ، ޕަބްޖީ މޯބައިލް އާއި އީއޭއެފްސީ އަދި ޓެކެންއެވެ. ފެސްޓިވަލްގައި އޮންލައިންކޮށް ކުރިއަށްގެންދާނީ ޕަބްޖީ މޯބައިލްއެވެ. ޓެކެން އާއި އީއޭއެފްސީ ކުރިއަށް ގެންދިއުމަށް ހަމަޖެހިފައި އޮފްލައިންކޮށެވެ.

ފެސްޓިވަލްގައި ބައިވެރިވާން ބޭނުންވާ ޒުވާނުންނަށް މިހާރު ވަނީ ކިޔޫއާރް ކޯޑް ސްކޭން ކޮށްގެން ރެޖިސްޓަރ ކުރުމުގެ ފުރުޞަތު ހުޅުވާލާފައެވެ. 

އީސްޕޯޓްސް ފެސްޓިވަލްގައި ބައިވެރިވާން ބޭނުންވާ ޒުވާނުންނަށް މިހާރު ވަނީ އެ ފުރުޞަތު ހުޅުވާލާފައި. ފޮޓޯ: އުރީދޫ 

ފެސްޓިވަލްގައި ވަނަ ހޯދާ ފަރާތްތަކަށް 30،000 ރުފިޔާގެ ފައިސާ އިނާމު ވަނީ ހުށަހަޅައިފައެވެ. ކޮންމެ ގޭމަކުން އެއްވަނަ ހޯދާ ކުޅުންތެރިންނަށް 10،000 ރުފިޔާ ދޭނެއެވެ. އެއިން ކޮންމެ ގޭމަކުން 1 ،2 އަދި 3 ވަނަ ހޮވުމަށް ވަނީ ހަމަޖެހިފައެވެ.