އިނގިރޭސި ޕްރިމިއަރ ލީގުގައި ރޭ ކުޅުނު މެޗުގައި މެންޗެސްޓަރ ޔުނައިޓެޑާ 1-1 އިން އެއްވަރުވެ، ލީގު ހޯދުމަށް އާސެނަލް ކުރަމުން އަންނަ މަސައްކަތްތަކަށް ހުރަސްއެޅިއްޖެއެވެ.

މި ނަތީޖާއާއެކު، އާސެނަލް އަދިވެސް އުޅެނީ ދެވަނައިގައެވެ. އެ ޓީމަށް 28 މެޗުން ލިބިފައިވަނީ 55 ޕޮއިންޓެވެ. އެންމެ ކުރީގައި އުޅޭ ލިވަޕޫލަށް އެއް މެޗު އިތުރަށް ކުޅެގެން ލިބިފައިވަނީ 70 ޕޮއިިންޓެވެ.

އޯލްޑް ޓްރެފޯޑްގައި ކުޅުނު މެޗުގެ ފުރަތަމަ ހާފުގެ އިތުރު ވަގުތުގެ ތެރޭގައި ޔުނައިޓެޑުން ލީޑު ނެގީ ލިބުނު ހިލޭޖެހުމަކުން އެ ޓީމުގެ ކެޕްޓަން، ބްރޫނޯ ފެނާންޑޭސް އެވެ.

ދެވަނަ ހާފުގެ މެދާ ހިސާބުން، އާސެނަލަށް އެއްވަރުކޮށްދިނީ އިނގިރޭސި މިޑްފީލްޑަރު، ޑެކްލަން ރައިސް އެވެ.

މި މެޗުން ލިބުނު ޕޮއިންޓާއެކު ޔުނައިޓެޑް އޮތީ 14 ވަނައިގައެވެ. ލީގުގައި އެންމެ ފަހުން ކުޅުނު ފަސް މެޗުގެ ތެރެއިން އެންމެ މެޗަކުން މޮޅުވެފައިވާ ޔުނައިޓެޑަށް ލިބިފައިވަނީ 34 ޕޮއިންޓެވެ.