ENGLISH
04 އޭޕްރީލު 2025
ފުރަތަމަ ލެގުގައި ލިވަޕޫލާއި ބާސެލޯނާ އަށް މުހިއްމު މޮޅެއް
06 މާރިޗު 2025
|
ލިވަޕޫލްގެ އެލިއަޓް، ޕީއެސްޖީގެ ގޯލަށް ބޯޅަ ފޮނުވާލަނީ. --ފޮޓޯ: ރޮއިޓާސް
އެންމެ މަޤްބޫލު
ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގައި ރޭ ކުޅުނު މެޗުތަކުން އިންގްލެންޑްގެ ލިވަޕޫލާއި ސްޕެއިނުގެ ބާސެލޯނާ ރަށުން ބޭރުގައި މޮޅުވެއްޖެއެވެ.
ޕީއެސްޖީގެ ދަނޑުގައި ލިވަޕޫލް މޮޅުވީ 1-0 އިންނެވެ. ބާސެލޯނާ ވަނީ ރަށުން ބޭރުގައި ޕޯޗުގަލްގެ ބެންފީކާ އަތުން 1-0 އިން މޮޅުވެފައެވެ.
ޕާކް ޑެސް ޕްރިންސެސްގައި ކުޅުނު މެޗު ފެށިގެން ގިނަ ވަގުތު ޕީއެސްޖީން ބޯޅަ ގެންގުޅެ، ގިނަ ހަމަލާތައް އުފައްދާފައިވާއިރު، އެ ޓީމުން ފޮނުވާލި ބޯޅަތައް ލިވަޕޫލްގެ ގޯލްކީޕަރު، އެލިސަން ބެކާ ވަނީ ހުއްޓުވައިފައެވެ.
ރޭގެ މެޗުގައި ފެނިގެންދިޔަ ހަމައެކަނި ލަނޑު، 87 ވަނަ މިނެޓުގައި ލިވަޕޫލަށް ކާމިޔާބުކޮށްދިނީ ހާވީ އެލިއަޓް އެވެ. އޭނާ މި ލަނޑުޖެހީ ބަދަލު ކުޅުންތެރިއެއްގެ ގޮތުގައި ކުޅެން ނިކުމެ 47 ވަރަކަށް ސިކުންތުގެ ތެރޭގައެވެ.
ބެންފީކާގެ ދަނޑުގައި ރޭ ކުޅުނު މެޗުގެ ފުރަތަމަ ހާފުގެ ކުރީކޮޅު ބާސެލޯނާގެ ޒުވާން ޑިފެންޑަރު، ޕައު ކުބާސީ އަށް ސީދާ ރަތް ކާޑެއް ދެއްކުމުން އެ ޓީމުން ބާކީބައި ފުރިހަމަކުރީ 10 ކުޅުންތެރިންނާއެކު އެވެ.
ދެވަނަ ހާފުގައި ބާސެލޯނާ މޮޅުކޮށްދިން ލަނޑު ޖަހައިދިނީ ރަފީނިއާ އެވެ.
މި މެޗުގައި ބެންފީކާ އިން ފޮނުވާލި ގިނަ ހަމަލާތަކެއް ބާސެލޯނާގެ ގޯލްކީޕަރު، ވޮޝިއެކް ޝެޒްނީ ވަނީ ހުއްޓުވައިފައެވެ.