ENGLISH

04 އޭޕްރީލު 2025

Advertisement

ކޭންގެ އެހީގައި ބަޔާނަށް ފަސޭހަ މޮޅެއް

06 މާރިޗު 2025

|

މުޙައްމަދު އަދުހަމް

ބަޔާންގެ ފޯވާޑް، ކޭން (ވ) ލެވަކޫސަންގެ ކުޅުންތެރިއެއް ކައިރިން ބޯޅަ ހިފައިގެންދާން މަސައްކަތްކުރަނީ. --ފޮޓޯ: ރޮއިޓާސް

ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގައި ރޭ ކުޅުނު މެޗުގައި ބަޔާ ލެވަކޫސަން އަތުން 3-0 އިން ބަޔާން މިއުނިކު މޮޅުވެއްޖެއެވެ.

މިއީ ލެވަކޫސަންއާ ދެކޮޅަށް ބަޔާން އެންމެ ފަހުން ކުޅުނު ހަތް މެޗުގެ ތެރެއިން މޮޅުވި ފުރަތަމަ ފަހަރެވެ.

އެލިއާންޒް އެރީނާގައި ކުޅުނު މެޗު ފެށިގެން ލެވަކޫސަނުން ގިނަ ގޯސްތަކެއް ހަދައި، އެންމެ އެކަށީގެންވާ ކުޅުން ދެއްކޭގޮތެއް ނުވިއެވެ.

ރޭގެ މެޗުގައި ބަޔާނުން ޖެހި ތިން ލަނޑުގެ ތެރެއިން ދެ ގޯލް ޖަހައިދިނީ އިނގިރޭސި ކެޕްޓަން، ހެރީ ކޭން އެވެ. ބަޔާންގެ އަނެއް ލަނޑުޖެހީ ޖަމާލް މުސިއާލާ އެވެ.

މި މެޗުގައި ޖެހި ލަނޑުތަކާއެކު ކޭން ވަނީ ހުރިހާ މުބާރާތެއްގައި ބަޔާނަށް މިހާތަނަށް 31 ލަނޑު ޖަހައިދީފައެވެ.

މި މުބާރާތުގައި ރޭ ކުޅުނު އަނެއް މެޗުގައި އިޓަލީގެ އިންޓަރ މިލާނުން ވަނީ ރަށުން ބޭރުގައި ނެދަލެންޑްސްގެ ފެޔަނޫޑް އަތުން 2-0 އިން މޮޅުވެފައެވެ.

ކިޔުންތެރިންގެ ހިޔާލު