ENGLISH

04 އޭޕްރީލު 2025

Advertisement

ރަޝިޔާއާ އެކު ސުލްޙައިގެ މަޝްވަރާ އާއި މައުދަނުތަކުގެ އެއްބަސްވުމުގައި ސޮއިކުރަން ޒެލެންސްކީ ތައްޔާރު: ޓްރަމްޕް

05 މާރިޗު 2025

|

ހަސަން އާމިރު

ރަޝިޔާއާ ދެކޮޅަށް ޔޫކްރޭނުން ކުރަމުންދާ ހަނގުރާމައިގައި، ރަޝިޔާ އާ އެކު ސުލްޙައިގެ މަޝްވަރާކުރުމުގެ އިތުރުން ޔޫކްރޭނުގެ އަގުބޮޑު މައުދަނުތަކުން އެމެރިކާއާ ގުޅިގެން ނަފާ ހޯދުމުގެ އެއްބަސްވުމުގައި ސޮއިކުރައްވަން ތައްޔާރަށް ހުންނެވި ކަމަށް ޔޫކްރޭނުގެ ރައީސް ވޮލޮޑިމިޔަރ ޒެލެންސްކީ އަންގަވާފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ހާމަކުރައްވައިފިއެވެ.

އެމެރިކާގެ ކޮންގްރެސާ މުޚާތަބު ކުރައްވައި ވާހަކަ ދައްކަވަމުން ޓްރަމްޕް ވިދާޅުވީ ޒެލެންސްކީގެ މުހިންމު ސިޓީފުޅެއް ލިބިވަޑައިގެންފައިވާ ކަމަށެވެ.

އެ ސިޓީގައި، ރަޝިޔާ އާ އެކު ސުލްޙަ ޤާއިމުކުރުމަށްޓަކައި މަޝްވަރާގެ މޭޒަށް އަންނަ ތައްޔާރުކަމަށް ޒެލެންސްކީ އަންގަވާފައިވާ ކަމަށް ޓްރަމްޕް ހާމަކުރެއްވިއެވެ.

މީގެއިތުރުން، ޔޫކްރޭނަށް އެމެރިކާއިން ފޯރުކޮށްދީފައިވާ އެހީތެރިކަމަށް އެ ސިޓީގައި ޒެލެންސްކީ ޝުކުރު އަދާކުރައްވާފައިވާ ކަމަށް ޓްރަމްޕް ވިދާޅުވިއެވެ.

މި ސިޓީ ޒެލެންސްކީ ފޮނުއްވާފައިވަނީ، ޓްރަމްޕާއެކު ވައިޓް ހައުސްގައި ބޭއްވި ބައްދަލުވުން ދެ ރައީސުންގެ މެދުގައި ބޮޑު އަރައިރުމަކަށް ބަދަލުވެ، ދެ ރައީސުންގެ މެދުގައި ބަހުގެ ހޫނު ޙަމަލާތަކެއް ބަދަލުކޮށްފައިވާ ދަނޑިވަޅެއްގައެވެ.

ވައިޓް ހައުސްގެ އޯވަލް އޮފީހުގެ ބައްދަލުވުން ހޫނުވީ، ރަޝިޔާގެ ރައީސް ވްލެޑެމިޔަރ ޕޫޓިންއާ އެކު މަޝްވަރާ އިސްކޮށް، ސުލްޙަވެރި ޙައްލެއް ގެންނަން ޒެލެންސްކީއަށް ބާރު އަޅަން ފެށުމުންނެވެ.

އޭގެފަހުން، ޓްރަމްޕް ވަނީ އެމެރިކާއިން ޔޫކްރޭނަށް ފޯރުކޮށްދެމުންދާ އަސްކަރީ އެހީ މި ވަގުތަށް މަޑުޖައްސައިލަން ނިންމަވައިފައެވެ.

މައުދަނުތަކުގެ އެއްބަސްވުމުގައި ސޮއިކުރުމަށް ހަމަޖެހިފައި އޮތީ، މިދިޔަ ހުކުރު ދުވަހު ޒެލެންސްކީ އެމެރިކާއަށް ކުރެއްވި ދަތުރުފުޅުގެ ތެރެއިންނެވެ.

އެއީ އެމެރިކާއިން ފޯރުކޮށްދީފައިވާ އަސްކަރީ އެހީގެ އަގު އަދާކުރަން، ޔޫކްރޭނުގެ އަގުބޮޑު މައުދަނުތަކުން ދެ ޤައުމު ގުޅިގެން ނަފާ ހޯދުމަށް ސޮއިކުރަން އުޅުނު އެއްބަސްވުމެކެވެ.

ކިޔުންތެރިންގެ ހިޔާލު