ENGLISH

04 އޭޕްރީލު 2025

Advertisement

ޕާކިސްތާނާއި އަފްޣާނިސްތާނުގެ ސިފައިން، ބޯޑަރު ކައިރީގައި ޙަމަލާ ބަދަލުކުރަނީ

04 މާރިޗު 2025

|

ހަސަން އާމިރު

ޕާކިސްތާނާއި އަފްޣާނިސްތާނު ގުޅޭ ބޯޑަރު ސަރަޙައްދުގައި ދެ ޤައުމުގެ ސިފައިން ޙަމަލާތައް ބަދަލުކުރަން ފަށައިފިއެވެ.

އެ ވަރުގަދަ ކުރިމަތިލުންތަކުގައި އެކަކު މަރުވެ، އިތުރު ދެ މީހަކު ވަނީ ޒަޚަމްވެފައެވެ. މަރުވެފައިވަނީ އަފްޣާނިސްތާނުގެ ސިފައިންގެ މީހެކެވެ.

ދާދިފަހުން ވަގުތީ ގޮތުން ބަންދު ކޮށްފައިވާ ތުރްޚަމް ބޯޑަރަކީ ދެ ޤައުމުގެ ދެމެދުގައި އޮތް އެންމެ ބޮޑު ސަރަޙައްދީ ބޯޑަރެވެ. ޕާކިސްތާނުން އެ ބޯޑަރު މިދިޔަ މަހު ބަންދު ކުރީ، އަފްޣާނިސްތާނުން އެ ސަރަޙައްދުގައި ސަލާމަތީ ޕޯސްޓެއް ޤާއިމު ކުރުމުގެ މަސައްކަތް ފެށުމާ ގުޅިގެންނެވެ.

މި ހާދިސާއާ ގުޅިގެން ދެ ޤައުމުގެ ދެމެދުގައި މުދާ އުފުލުމަށް ވެސް ވަނީ ހުރަސްއެޅިފައެވެ.

މިގޮތުން، ބޯޑަރުގެ ދެ ފަރާތުގައި ކާބޯތަކެތި ބަރު ކޮށްފައިވާ 5,000 އަށްވުރެ ގިނަ ލޮރީ ވަނީ ތާށިވެފައެވެ.

ދެ ޤައުމުގެ ދެމެދުގައި ނުތަނަސްވަކަން އިތުރުވެފައިވާއިރު، ޕާކިސްތާނުން ތުހުމަތު ކުރާ ގޮތުގައި އެ ޤައުމުގައި ދޭ ޓެރަރިސްޓު ޙަމަލާތަކުގެ ފަހަތުގައި ތިބީ އަފްޣާނިސްތާން ޙިމާޔަތާއި ރައްކާތެރިކަން ފޯރުކޮށްދޭ ހަތިޔާރު އެޅި ޓެރަރިސްޓު ޖަމާޢަތްތަކެވެ. ނަމަވެސް، އަފްޣާނިސްތާނުން މި ތުހުމަތު ދޮގު ކުރެއެވެ.

ކިޔުންތެރިންގެ ހިޔާލު