ސްރީ ލަންކާއާ އެކު ހަދާފައިވާ އެއްބަސްވުމެއްގެ ދަށުން އިތުރު 330 މިލިއަން އެމެރިކާ ޑޮލަރުގެ މާލީ އެހީ ދޭން އިންޓަނޭޝަނަލް މަނިޓަރީ ފަންޑް (އައިއެމްއެފް)ގެ ބޯޑުން މިއަދު ފާސްކޮށްފިއެވެ.

ކޯވިޑް-19ގެ ބަލިމަޑުކަމާ ގުޅިގެން ލަންކާ އަށް 2022 ވަނަ އަހަރު އިޤްތިޞާދީ މައްސަލަތައް ކުރިމަތިވެ، ހަތަރު އަހަރުގެ މަތިން ގާތްގަނޑަކަށް ތިން ބިލިއަން ޑޮލަރުގެ ލޯނު ޕްރޮގްރާމެއްގައި ވަނީ ބައިވެރިކޮށްފައެވެ.

އައިއެމްފުން ބުނީ، އިޤްތިޞާދީ ދަތިކަމުން އަރައިގަތުމަށް ލަންކާއިން އަޅާފައިވާ ފިޔަވަޅުތަކުގެ ހެޔޮ ނަތީޖާ ފެންނަން ފަށާފައިވާ ކަމަށާއި، އިޤްތިޞާދީ ކުރިއެރުންތައް ލިބެމުން އަންނަ ކަމަށެވެ.

އެއާ އެކު ލޯނު އެއްބަސްވުމުގެ ދަށުން އިތުރު 334 މިލިއަން ޑޮލަރު ދޫކުރަން އައިއެމްއެފުން ވަނީ ނިންމައިފައެވެ.

ރައީސް އަނުރަ ކުމާރަ ޑިސަނައިކަ ވެރިކަމަށް ވަޑައިގެންނެވީ ކޮރަޕްޝަނާ ދެކޮޅަށް މަސައްކަތް ކުރައްވާނެކަމުގެ ވަޢުދާ އެކު އެވެ. ލަންކާގައި ދާދި ފަހުން ބޭއްވި މަޖިލިސް އިންތިޚާބުގައި ވެސް ރައީސް ޑިސަނައިކަގެ ޕާޓީ އަށް ވަނީ ބޮޑު އަޣުލަބިއްޔަތެއް ރައްޔިތުން ދީފައެވެ.