ENGLISH
04 އޭޕްރީލު 2025
އަފްޣާނިސްތާން އަތުން ބަލިވެ، އިންގްލެންޑް ކަޓައިފި
27 ފެބްރުއަރީ 2025
|
މެޗަށްފަހު އަފްޣާނިސްތާންގެ ކުޅުންތެރިން އުފާ ފާޅުކުރަނީ. --ފޮޓޯ: ގެޓީ އިމޭޖަސް / އޭއެފްޕީ
އެންމެ މަޤްބޫލު
މިހާރު ކުރިއަށްދާ އައިސީސީ ޗެމްޕިއަންސް ޓްެރޮފީގައި އިއްޔެ ކުޅުނު މެޗުގައި އަފްޣާނިސްތާން އަތުން ބަލިވެ، އިންގްލެންޑް މުބާރާތުން ކަޓައިފިއެވެ.
މި މެޗުން އަފްޣާނިސްތާން މޮޅުވީ 8 ލަނޑުންނެވެ.
ޕާކިސްތާންގެ ލާހޯރުގައި ކުޅުނު މެޗުގައި ޓޮސް ދިމާވުމުން އަފްޣާނިސްތާން ކުޅެން އަރައި، ހަތް ވިކެޓަށް 325 ލަނޑު ހެދިއެވެ. އެންމެ ރަނގަޅަށް ކުޅުނީ 146 ބޯޅައިން 177 ލަނޑުހެދި އިބްރާހިމް ޒަދްރާން އެވެ. މި އިނިންގްސްގައި އިންގްލެންޑުން އެންމެ ރަނގަޅަށް އުކީ ތިން ވިކެޓް ނެގި ޖޮފްރާ އާޗާ އެވެ.
ޖަވާބުގައި ކުޅެން އަރައި، 49.5 އޯވަރުގެ ތެރޭގައި އިންގްލެންޑްގެ ހުރިހާ ކުޅުންތެރިން ނުބައިވީ 317 ލަނޑަށެވެ. އެ ޓީމުން އެންމެ ރަނގަޅަށް ކުޅުނީ 111 ބޯޅައިން 120 ލަނޑު ހެދި ޖޯ ރޫޓް އެވެ. އަފްޣާނިސްތާނުން އެންމެ ރަނގަޅަށް އުކީ ފަސް ވިކެޓް ނެގި އަޒްމަތުﷲ އޮމަރްޒާއި އެވެ.
މެޗުގެ މޮޅު ކުޅުންތެރިއަކަށް ހޮވުނީ އަފްޣާނިސްތާންގެ އިބްރާހިމް ޒަަަދްރާން އެވެ.
މުބާރާތުގައި މާދަމާ ކުޅޭ މެޗުގައި އަފްޣާނިސްތާން ނުކުންނާނީ އޮސްޓްރޭލިއާއާ ދެކޮޅަށެވެ. މި މެޗު ފަށާނީ ރާއްޖޭގަޑިން މެންދުރު 2 ޖަހާއިރު އެވެ.