ENGLISH
04 އޭޕްރީލު 2025
އެންޑްރިކްގެ ލަނޑުން ރެއާލަށް ހަނި މޮޅެއް
27 ފެބްރުއަރީ 2025
|
ސޮސިއެޑާޑްއާ ރެއާލް ބައްދަލުކުރި މެޗުގެ ތެރެއިން. --ފޮޓޯ: ރޮއިޓާސް
އެންމެ މަޤްބޫލު
ސްޕެނިޝް ކޮޕަ ޑެލް ރޭ ރެއާލް ސޮސިއެޑާޑް އަތުން 1-0 އިން ރެެއާލް މެޑްރިޑް މޮޅުވެއްޖެއެވެ.
މިއީ ސޮސިއެޑާޑާ ދެކޮޅަށް ރެއާލް ބަލިނުވެ ފުރިހަމަކުރި ހަވަނަ މެޗެވެ.
ރޭގެ މެޗަށް ރެއާލް ނުކުތްއިރު އަރާމުކުރަން ފުރުޞަތު ދިނުމުގެ ގޮތުންނާއި، އަނިޔާގެ ސަބަބުން މުހިއްމު ބައެއް ކުޅުންތެރިން ނުކުޅެއެވެ. އޭގެތެރޭގައި، ފްރާންސްގެ ތަރި ކީލިއަން އެމްބާޕޭ އާއި ފެޑެރީކޯ ވަލްވާޑޭ ހިމެނެއެވެ.
މީގެއިތުރުން، ސްޕެއިނުގެ ތަޖުރިބާކާރު ފުލްބެކް، ޑަނީ ކާވަހާލް އާއި ބްރެޒިލްގެ ޑިފެންޑަރު، އެޑާ މިލިޓާއޯ ވެސް ހިމެނެނީ މި ވަގުތު ދިގު މުއްދަތެއްގެ އަނިޔާގައި ތިބި ކުޅުންތެރިންގެ ތެރޭގައެވެ.
ސޮސިއެޑާޑްގެ ދަނޑުގައި ރޭ ކުޅުނު މެޗުގައި ފެނިގެންދިޔަ ހަމައެކަނި ލަނޑު، 19 ވަނަ މިނެޓުގައި ރެއާލަށް ކާމިޔާބުކޮށްދިނީ ބްރެޒިލްގެ ޒުވާން ފޯވާޑް، އެންޑްރިކް އެވެ.
އޭގެފަހުން، ރެއާލްގެ ލީޑު ފުޅާކޮށްދޭން ލިބުނު ފުރުޞަތުތަކުގައި އެ ޓީމުގެ ކުޅުންތެރިން ފޮނުވާލި ހަމަލާތައް ސޮސިއެޑާޑްގެ ގޯލްކީޕަރު، އަލެކްސް ރެމީރޯ ވަނީ ހުއްޓުވައިފައެވެ.
މުބާރާތުގައި މި ދެ ޓީމުގެ މެދުގައި ކުޅުމަށް ހަމަޖެހިފައިވާ ސެމީގެ ދެވަނަ ލެގުގެ މެޗު އޮތީ އަންނަ އޭޕްރީލް މަހުގެ އެއްވަނަ ދުވަހު އެވެ.