ENGLISH

04 އޭޕްރީލު 2025

Advertisement

ޔޫތު މުބާރާތުގެ ފައިނަލުގައި މާޒިޔާ އާއި އީގަލްސްގެ ކުރިމަތިލުމެއް

27 ފެބްރުއަރީ 2025

|

މުޙައްމަދު އަދުހަމް

މެޗަށްފަހު މާޒިޔާގެ ކުޅުންތެރިން އުފާ ފާޅުކުރަނީ. --ފޮޓޯ: މާޒިޔާ

ނަވާރަ އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލުގައި މާޒިޔާ ސްޕޯޓްސް އެންޑް ރެކްރިއޭޝަން އާއި ކުލަބު އީގަލްސް ބައްދަލުކުރަން ޖެހިއްޖެއެވެ.

މިއީ މި ފަހަރުގެ މުބާރާތުގައި މި ދެ ޓީމު ވާދަކުރާނެ ދެވަނަ ފަހަރެވެ. މީގެކުރިން، މުބާރާތުގެ ގްރޫޕް ސްޓޭޖު ފެށި މެޗުގައި މާޒިޔާ އިން ވަނީ 3-1 އިން އީގަލްސް ބަލިކޮށްފައެވެ.

ގަލޮޅު ރަސްމީ ދަނޑުގައި ރޭ ކުޅުނު މެޗުގައި އެންމެ ފަހުގެ ޗެމްޕިއަން، ޓީސީ ސްޕޯޓްސް ކުލަބު އަތުން އީގަލްސް މޮޅުވީ 2-0 އިންނެވެ.

މި މެޗުގައި އީގަލްސް އިން ޖެހި ދެ ލަނޑު ވެސް ކާމިޔާބުކޮށްދިނީ މުޙައްމަދު ޝަމްހާން (ޝަމްބެ) އެވެ.

މުބާރާތުގެ އަނެއް ސެމީގައި އިއްޔެ ހަވީރު މާޒިޔާ އިން ވަނީ ޕެނަލްޓީ ޖަހައިގެން 4-3 އިން އޮޑި ސްޕޯޓްސް ކުލަބު ބަލިކޮށްފައެވެ. މި މެޗުގެ ފުރިހަމަ ވަގުތު ހަމަވިއިރު ދެ ޓީމު އޮތީ 2-2 އިން އެއްވަރުވެފައެވެ.

މާޒިޔާގެ ދެ ލަނޑު ވެސް ޖެހީ މުޙައްމަދު އިލާން އިމްރާން އެވެ. އޮޑި ސްޕޯޓްސްގެ ދެ ލަނޑު ވެސް ޖަހައިދިނީ އަހުޒަމް ރަޝީދު އެވެ. 

މާޒިޔާ އާއި އީގަލްސް ބައްދަލުކުރުމަށް ހަމަޖެހިފައިވާ މުބާރާތުގެ ފައިނަލު މެޗު އޮންނާނީ 28 ވާ ހުކުރު ދުވަހުގެ ރޭގަނޑު އެވެ.

ކިޔުންތެރިންގެ ހިޔާލު