އޮނަތިރީސް ވަނަ އެމްބީއޭ ޗެމްޕިއަންޝިޕްގައި ކުޅުނު ސެމީ ފައިނަލުގެ ފުރަތަމަ މެޗުގައި މިއަދު ހަވީރު ރެޑްވިންގްސް ބާސްކެޓް ބަލިކޮށް، ޓީ-ރެކްސް ބާސްކެޓްބޯލް ކުލަބުން ފައިނަލަށް ދަތުރުކޮށްފިއެވެ.

ޒުވާނުންގެ މަރުކަޒު އެތެރޭ ކޯޓުގައި މިއަދު ހަވީރު ކުޅުނު މެޗުން ޓީ-ރެކްސް ވަނީ 76-70 އިން ރެޑްވިންގްސް ބަލިކޮށްފައެވެ.

މި މެޗު ފެށިގެން ފުރަތަމަ ކުއާޓާ އާއި ހަތަރުވަނަ ކުއާޓާ ފިޔަވައި އަނެއް ދެ ކުއާޓާގައި ލީޑު ކުރި ޓީ-ރެކްސް އިން ހާފު ނިންމާލީ 39-38 އިން ކުރީގައި އޮވެގެންނެވެ.

މެޗުގެ ތިންވަނަ ކުއާޓާގައި ނެގި އަށް ޕޮއިންޓްގެ ލީޑާއެކު، ޓީ-ރެކްސް އިން ކޮންޓްރޯލް އަތުލިއެވެ. އޭގެފަހުން، މެޗުގެ ފަހު ކުއާޓާގައި ރެޑްވިންގްސް އިން ތިން ޕޮއިންޓްގެ ފަރަގަކާއެކު، 18-15 އިން ކުރިހޯދި ނަމަވެސް، ޓީ-ރެކްސް އިން މެޗު ކާމިޔާބުކުރީ ހަ ޕޮއިންޓްގެ ތަފާތަކުންނެވެ.

ޓީ-ރެކްސް އިން މޮޅު ކުޅުމެއްދެއްކީ އިސްމާއިލް ވިލްދާން ޔޫސުފް އެވެ. ވިލްދާން ވަނީ 18 ޕޮއިންޓާއެކު ނުވަ ރީބައުންޑް ނަގައިފައެވެ. އެ ޓީމުން ދެން އެންމެ ރަނގަޅަށް ކުޅުނު އައިކް އަހުމަދު މައުރޫފް ވަނީ 18 ޕޮއިންޓް އެއްކޮށްފައެވެ.

ރެޑްވިންގްސް އިން އެންމެ ގިނަ ޕޮއިންޓް އެއްކޮށްދިނީ މުޙައްމަދު ޒީދާން ޒައީމް އެވެ. ޒީދާން ވަނީ 17 ޕޮއިންޓް އެއްކޮށްފައެވެ.

މުބާރާތުގެ ދެވަނަ ސެމީގައި މިރޭ ކިންގްސް ބާސްކެޓްބޯލް ކުލަބު ނުކުންނާނީ ރެޕްޓާސް ބާސްކެޓްބޯލް ކުލަބެވެ.