އިންޑިޔާގެ ވެރިރަށް ނިއު ދިއްލީގެ މައި ރޭލު ސްޓޭޝަންގައި މީހުން ތޮއްޖެހި، ފިތިބާރުވެގެން 18 މީހަކު މަރުވެފައިވާ ކަމަށް ކަމާބެހޭ އިދާރާތަކުން ބުނެފިއެވެ.

ހިންދޫންގެ ބޮޑު އަޅުކަމެއްގައި ބައިވެރިވާން ނިއު ދިއްލީއަށް އެތަކެއް ހާސް މީހުން ޖަމާވާއިރު، ދޭތެރެއަކުން މިފަދަ ހާދިސާތައް ހިނގައެވެ.

ރޭލު ސްޓޭޝަންގައި ހޮނިހިރު ދުވަހު މި ހާދިސާ ހިނގީ، ގިނަ ބަޔަކު އެއްފަހަރާ ރޭލަށް އަރަން ދިމާކުރުމުގެ ތެރޭގައި ކަމަށް ދިއްލީގެ ފުލުހުން ބުނެފައިވެއެވެ.

މަރުވި މީހުންގެ ތެރޭގައި ގިނައީ އަންހެނުންނާ ކުޑަކުދިންނެވެ.

މި ހާދިސާގައި އިތުރު 11 މީހަކު ޒަޚަމްވެގެން ހޮސްޕިޓަލުގައި ދަނީ ފަރުވާދެމުންނެވެ.