ENGLISH

04 އޭޕްރީލު 2025

Advertisement

ރަހީނުން މިނިވަންނުކުރާނަމަ ޣައްޒާއަށް ޙަމަލާދޭން އަލުން ފަށާނެކަމުގެ އިންޒާރު އިޒްރޭލުން ދީފި

12 ފެބްރުއަރީ 2025

|

ހަސަން އާމިރު

ފަލަސްތީނުގެ ޣައްޒާގައި ޙަމަލާތައް ހުއްޓައިލުމުގެ އެއްބަސްވުމާ އެއްގޮތަށް ރަހީނުން މިނިވަންކުރަމުން ނުގޮސްފިނަމަ، ޣައްޒާގެ ޢުދުވާނުތައް އަލުން ފަށާނެ ކަމުގެ އިންޒާރު އިޒްރޭލުން ދީފިއެވެ.

އިޒްރޭލުން ޣައްޒާއަށް ހުއްޓުމެއް ނެތި ޙަމަލާތައް ދޭން ފެށިތާ 15 މަސް ދުވަސް ފަހުން، ގިނަ ޤައުމުތަކެއް މެދުވެރިވެގެން، ސުލްޙައިގެ އެއްބަސްވުމެއް އެކުލަވާލައި، ޢަމަލުކުރަން ފަށާފައިވަނީ މިދިޔަ މަހުގެ 19 ވަނަ ދުވަހުއެވެ.

އެ އެއްބަސްވުމުގެ ދަށުން، ޙަމާސްއިން ރަހީނުކޮށްފައިވާ 21 މީހަކާއި، އިޒްރޭލުގެ ޖަލުތަކުން 700 އެއްހާ ފަލަސްތީނުގެ މީހުން ވަނީ ފަސް ފަހަރެއްގެ މަތިން މިނިވަންކޮށްފައެވެ.

ހަ ވަނަ ބުރުގެ ރަހީނުންނާއި ޤައިދީން މިނިވަންކުރަން ހަމަޖެހިފައި އޮތީ އަންނަ ހޮނިހިރު ދުވަހު އެވެ.

އެއްބަސްވުމާ ޚިލާފަށް އިޒްރޭލުން ޢަމަލުކުރަމުންދާ ކަމަށް ތުހުމަތުކޮށް، ރަހީނުން މިނިވަންކުރުން ޙަމާސް ޖަމާޢަތުން ވަނީ މަޑުޖައްސާލައިފައެވެ.

އެކަމާ ގުޅިގެން، އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ބުނީ، އެއްބަސްވުމާ އެއްގޮތަށް އަންނަ ހޮނިހިރު ދުވަހު އިތުރު ރަހީނުން މިނިވަންނުކޮށްފި ނަމަ، ޣައްޒާއަށް ޙަމަލާ ދިނުން އަލުން ފަށާނެ ކަމަށެވެ.

"އަސްކަރިއްޔާއިން ކުރީގެ ވަރުގަދަ ޙަމަލާތައް އަލުން ދޭން ފަށާނެ. އަދި ޙަމާސް ބަލިކުރެވެންދެން އެ ހަމަލާތައް ކުރިއަށް ދާނެ،" ވީޑިއޯ ބަޔާނެއްގައި ނަތަންޔާހޫ ބުންޏެވެ.

ކެބިނެޓްގެ ހަތަރު ގަޑިއިރުގެ ބައްދަލުވުމަކަށް ފަހު ނަތަންޔާހޫ ދިން މި އިންޒާރުގައި ބުނީ އިޒްރޭލު ސިފައިން ޣައްޒާގެ އެތެރޭގެ އާއި ވަށައިގެން ޖަމާވުމަށް ވެސް މިހާރު އަންގާފައިވާ ކަމަށެވެ.

ކިޔުންތެރިންގެ ހިޔާލު