ENGLISH
04 އޭޕްރީލު 2025
އެމެރިކާއަށް އެތެރެކުރާ ދަގަނޑާއި އެލުމިނިއަމުން 25 އިންސައްތަ އިން ޑިޔުޓީ ބޮޑުކުރަނީ
10 ފެބްރުއަރީ 2025
|
އެންމެ މަޤްބޫލު
އެމެރިކާއަށް ބޭރުގެ ޤައުމުތަކުން އެތެރެކުރާ ދަގަނޑާއި އެލުމިނިއަމުން ނަގާ ޑިޔުޓީ، 25 ޕަސެންޓުން ބޮޑުކުރައްވާނެ ކަމަށް ރައީސް ޑޮނަލްޑް ޓްރަމްޕް އިޢުލާނުކުރައްވައިފިއެވެ.
ދެވަނަ ދައުރަކަށް ޓްރަމްޕް ވަޑައިގެންނެވީ، އެމެރިކާގެ ވިޔަފާރިތަކަށް ގެއްލުންވާ ގޮތަށް އެހެން ޤައުމުތަކަށް ލުއިދީފައިވާ ކަމަށް ވިދާޅުވަމުންނެވެ.
އެއާ އެކު، ވެރިކަމަށް ވަޑައިގެން، ކެނެޑާ އާއި މެކްސިކޯ އިން އެތެރެކުރާ މުދަލުން 25 ޕަސެންޓުން ޑިޔުޓީ ބޮޑުކުރަން ވަނީ ނިންމަވައިފައެވެ. ނަމަވެސް، އެ ނިންމެވުމަށް ޢަމަލުކުރުން މިހާރު ވަނީ މަޑުޖައްސާލައްވައިފައެވެ.
އެމެރިކާއަށް ދަގަނޑާއި އެލުމިނިއަމް އެންމެ ގިނައިން އެތެރެކުރަނީ ކެނެޑާއިންނެވެ. ކެނެޑާގެ އިތުރުން ބްރެޒިލް، ދެކުނު ކޮރެޔާ އަދި އަދި މެކްސިކޯ އިން ވެސް އެމެރިކާއަށް ދަގަނޑު އެތެރެކުރެއެވެ.
ޓްރަމްޕް ތަކުރާރުކޮށް ވިދާޅުވަމުން ގެންދަވާ ގޮތުގައި، އެމެރިކާގެ ވިޔަފާރިތައް ހިމާޔަތްކުރަން، އެހެން ޤައުމުތަކުން އެމެރިކާގެ މުދަލުން ނަގާ ޑިޔުޓީއާ އެއް މިންވަރަށް އެމެރިކާއަށް އެތެރެކުރާ މުދަލުން ވެސް ޑިޔުޓީ ނަގަންޖެހެއެވެ.
އެމެރިކާގެ ވިޔަފާރިތަކަށް ހަމަހަމަ ފުރުޞަތެއް ލިބޭނީ އެފަދަ ފިޔަވަޅުތައް އަޅައިގެން ކަމަށް ވެސް ޓްރަމްޕް ވަނީ ވިދާޅުވެފައެވެ.
ކެނެޑާ އަދި މެކްސިކޯގެ އިތުރުން ޗައިނާގެ މުދަލުން ނަގާ ޑިޔުޓީގެ މައްޗަށް އިތުރު 10 އިންސައްތަ ބޮޑުކޮށްފައިވާކަން ޓްރަމްޕް ވަނީ އިޢުލާނު ކުރައްވައިފައެވެ.
އޭގެ ރައްދުގައި، ޗައިނާ އިން ވެސް ވަނީ އެމެރިކާއިން އެތެރެކުރާ މުދަލުގެ ބައެއް ބާވަތްތަކުން ޑިޔުޓީ ބޮޑުކުރަން ނިންމައި، އެކަން އިޢުލާނުކޮށްފައެވެ.
މިގޮތުން، ހަކަތަ އުފެއްދުމަށް ބޭނުންކުރާ ގިނަ ބާވަތްތަކުން 15 ޕަސެންޓު އަދި ދަނޑުވެރިކަމުގެ އާލަތްތަކުން 10 ޕަސެންޓު ބޮޑުކުރަން ޗައިނާއިން ވަނީ ނިންމައިފައެވެ.
އެމެރިކާއިން ހަކަތައިގެ ބާވަތްތަކުން، އަހަރަކު ހަތް ބިލިއަން ޑޮލަރުގެ މުދާ ޗައިނާއަށް އެތެރެކުރެއެވެ.