ދިވެހިރާއްޖެ ރަނގަޅު މިސްރާބަކަށްދާ މަންޒަރު ޢަމަލީގޮތުން ފެންނަމުންދާ ކަމަށް، ރައްޔިތުން މަޖިލީހުގެ ފުނަދޫ ދާއިރާގެ މެމްބަރު މުޙައްމަދު މަމްދޫޙު ވިދާޅުވެއްޖެއެވެ. 

ސަރުކާރަށް އަހަރަކާ ދެތިން މަސްވެގެން ދިޔައިރު ފެނިގެން މިދަނީ މާޒީން ފެނިގެންދިޔަ ސަރުކަރުތަކާއި ޚިލާފަށް މި ސަރުކާރުން ނަތީޖާ ނެރުމުގައި ކުރީގައި އުޅޭ މަންޒަަރުކަން، މިއަދުގެ ރިޔާސީ ބަޔާނުން އެނގިގެންދިޔަ ކަމަށް މެމްބަރު ވިދާޅުވިއެވެ. އަދި ވޭތުވެދިޔަ ދެ ދައުރުގެ ސަރުކާރުތަކަށް ބަލާނަމަ ފެނުނީ ޢަމަލީ މަސައްކަތްތައް ފެށުމަށް ދެތިން އަހަރު ހޭދަވާ މަންޒަރުކަމުގައި މެންބަރު ފާހަގަކުރެއްވިއެވެ. 

ނަމަވެސް މިއަދު ފެންނަން އޮތީ މިއާ މުޅިން ޚިލާފު މަންޒަރެއް ކަމަށާއި މިއީ މިހާތަނަށް ދިވެހިރާއްޖޭގެ ތާރީޚުގައި ވެސް ސަރުކާރެއް އައިސް އެންމެ އަވަހަށް އެންމެ ގިނަ މަޝްރޫއުތައް ފަށާ އަހަރަށް މި އަހަރު ވާނެ ކަމަށް ވެސް މަމްދޫހު ވިދާޅުވިއެވެ.

ރައީސް ޑރ. މުޙައްމަދު މުޢިއްޒުގެ މި ދައުރުގެ ތެރޭގައި ދިވެހިން ބޭނުންވާގޮތަށް ކަންތައްކުރެވި، ދިވެހިން ބޭނުންވާ ތަރައްޤީ ދިވެހީންނާ ހިސާބަށް ފޯރުކުރެވި، ދިވެހިންގެ ޖީބުތަކަށް ވަންނަ ފައިސާ އިތުރުކުރެވިގެން ދާނެ ކަމުގެ ޔަޤީންކަން އެބައޮތް ކަމަށް މެމްބަރު ވިދާޅުވިއެވެ.