މިދިޔަ އަހަރުގެ ޑިސެމްބަރު މަހު ތަސްދީގުކުރެއްވި ބޭރު ފައިސާގެ ޤާނޫނާއެކު މުދަލުގެ އަގު ހިފަހައްޓަން މަގުފަހިވެގެންދާނެ ކަމަށް ރައިސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެ އެވެ.

ރައީސް މިފަދައިން ވިދާޅުވީ ރައްޔިތުންގެ މަޖިލީހުގެ މިއަހަރުގެ ފުރަތަމަ ޖަލްސާގައި ރިޔާސީ ބަޔާން އިއްވަވައިދެއްވަމުންނެވެ.

ބޭރު ފައިސާގެ ބާޒާރަށް ދިމާވެފައިވާ މައްސަލަތަކަށް ދާއިމީ ހައްލެއް ގެނައުމަކީ ދިވެހި ދައުލަތާއި ރައްޔިތުންގެ ޙއްޤުގައި ކޮންމެހެން ކުރަންޖެހޭ ކަމެއްކަން ފާހަގަކުރައްވައި ރައީސް ވިދާޅުވީ، އެކަމަށްޓަކައި ކުރަމުންދާ މަސައްކަތްތަކުގެ ތެރެއިން މިދިޔަ އަހަރު ތެރެގައި މުހިއްމު ފިޔަވަޅުތަކެއް އަޅުއްވާފައިވާ ކަމަށެވެ.

އެގޮތުން، ބޭރު ފައިސާއާ ބެހޭ ޤާނޫނެއް އެކުލަވާލައި ތަންފީޒުކުރަން ފެށުމަކީ، ރައީސް ވިދާޅުވި ގޮތުގައި މިކަމަށްޓަކައި އެޅުނު އެންމެ މުހިއްމު ފިޔަވަޅެވެ. މި ބަދަލުގެ ހެޔޮ އަސަރު ކައިރި މުސްތަޤުބަލުގައި ދައުލަތުގެ ރިޒާވަށް ވެސް ކުރަން ފަށާނެ ކަމަށް ރިޔާސީ ބަޔާނުގައި ރައީސް ފާހަގަކުރެއްވިއެވެ. 

މި ޤާނޫނާއެކު މަގުފަހިވެގެންވެގެންދާނެ ކަންކަމަކީ ރައީސް ވިދާޅުވި ގޮތުގައި:

މި ހިނގާ 2025 ވަނަ އަހަރު ރާއްޖޭގެ އިގްތިސޯދު 6.4% އިން ކުރިއަރާނެ ކަމަށް އަންދާޒާ ކުރެވޭކަން ފާހަގަކުރައްވަމުން ރައީސް ވަނީ، އެމަނިކުފާނު ވެރިކަމާއި ހަވާލުވެވަޑައިގެންނެވިފަހުން ބޭރު ފައިސާގެ ރިޒާވް ރަނގަޅުވެފައިވާކަމަށް ވެސް ވިދާޅުވެފައެވެ.  އެގޮތުން، ނިމިދިޔަ 2024 ވަނަ އަހަރު ދައުލަތުގެ ރަސްމި ރިޒާވްގައި 673.2 މިލިއަން އެމެރިކާ ޑޮލަރު ހުރިއިރު، އެއީ 2023 ވަނަ އަހަރާ އަޅާބަލާއިރު 14% އިތުރުވުމެއްކަން ރައީސް ފާހަގަކުރެއްވިއެވެ.

ރާއްޖޭގައި ބޭރު ފައިސާއިން ކުރެވޭނެ މުއާމަލާތްތައް ކަނޑައަޅާ, ބޭރު ފައިސާ ރާއްޖެއަށް އެތެރެކުރުމާއި ބޭރުކުރުމާއި ގެންގުޅުމާއި ޖަމާކުރުމާއި މާރުކުރުމާ ބެހޭ އުސޫލުތަކާއި އެނޫންވެސް ބޭރު ފައިސާާ އާއި ބޭރު ފައިސާ އާ ބެހޭ މުއާމަލާތްތަކާ ގުޅޭ ހަމަތަކާއި އުސޫލުތައް ކަނޑައަޅައި ހިންގުމަށް ބޭނުންވާނޭ ކަމާ ބެހޭ ހަރުދަނާ އޮނިގަނޑެއް އެކުލަވާލުމަށްޓަކައި ރައްޔިތުންގެ މަޖިލީހުން ފާސްކުރި ބޭރު ފައިސާގެ ގާނޫނަށް މި އަހަރުގެ ޖެނުއަރީ 1 އިން ފެށިގެން ދަނީ އަމަލުކުރަމުން ނެވެ.