އާރް.އެސް.ޑަބްލިއު ފައިނޭންސިން ފެސިލިޓީގެ ސްޓޭކް ހޯލްޑަރުންނާ ބައްދަލުކުރުމަށާއި ގއ. ކޫއްޑޫ ކޯލްޑް ސްޓޯރޭޖް އިތުރުކުރުމުގެ ޕްރޮޖެކްޓްގައި މިއަދު ސޮއިކުރުމަކީ ދިވެހިރާއްޖޭގެ މަސްވެރިންނަށް ވަރަށް އުފާވެރި ދުވަހަކަށް ވާނެ ކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ މިނިސްޓަރ އަހްމަދު ޝިޔާމް ވިދާޅުވެއްޖެއެވެ.

ރައީސް އޮފީހުގެައި ބޭއްވި މި ރަސްމިއްޔާތުގައި ރައީސް މުހައްމަދު މުއިއްޒު ވެސް ބައިވެރިވެވަޑައިގެންނެވި އެވެ.

މިނިސްޓަރ ޝިޔާމް ވިދާޅުވީ މި މަސައްކަތްތަކުގެ ސަބަބުން އޮޑިވެރިންގެ ޖީބުތަކަށް ލުޔެއް ލިބި މަސްވެރިންނަށް ތަނަވަސްކަން ހޯދޭނެ ކަމަށެވެ. 

މިގޮތުން އައިސް ހޯދުމަށް ކުރާ ދަތުރުތައް ކުޑަކޮށް ތެލަށް ކުރާ ހަރަދުތައް އާރް.އެސް.ޑަބްލިއުގެ ސަބަބުން ކުޑަވާނެކަމަށް ޝިޔާމް ވިދާޅުވިއެވެ. އަދި ވަގުތީ ހައްލެއް ހޯދައިދިނުމުގެ ބަދަލުގައި ދާއިމީ ހައްލެއް ހޯދައިދިނުމަކީ މި ސަރުކާރުގެ އަމާޒެއް ކަމަށް ވެސް މިނިސްޓަރު ވިދާޅުވި އެވެ.