ފ. މަގޫދޫ އެއަރޕޯޓް ތަރައްގީކުރުމުގެ މަޝްރޫޢުގެ ތެރެއިން ނިންމަންޖެހޭ މުހިންމު ގިނަ މަސައްކަތްތަކެއް ނިމުމާ ގާތްވެފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.

އެމްޓީސީސީން އެކްސްގައި ކުރި ޕޯސްޓެއްގައި ވިދާޅުވީ ރަންވޭގައި އޭބީސީ އެޅުމުގެ 56 އިންސައްތަ މަސައްކަތާއި، ޓަރމިނަލް ބިލްޑިންގ އިމާރާތް ކުރުމުގެ 53 އިންސައްތަ މަސައްކަތް މިހާރު ނިމިފައިވާ ކަމަށެވެ. 

މީގެ އިތުރުން ފަޔަރ ބިލްޑިންގ އިމާރާތްކުރުމުގެ މަސައްކަތުގެ 24 އިންސައްތަ މަސައްކަތް ނިމިފަވާ ކަމަށް ވެސް އެ ކުންފުނިން ހާމަކުރައްވާފައިވެއެވެ. 

މި އެއަރޕޯޓަކީ ރަށުގެ ފަޅުން 30 ހެކްޓަރުގެ ބިން ހިއްކައިގެން ތަރައްޤީކުރާ އެއަރޕޯޓެކެވެ. ފުރަތަމަ 1،200 މީޓަރުގެ ރަންވޭއެއް އަޅަން ނިންމާފައިވީ ނަމަވެސް، މިހާރު އެޅުމަށް ހަމަޖެހިފައިވަނީ 1،800 މީޓަރުގެ ރަންވޭއެކެވެ. 

މަގޫދޫ އެއާޕޯޓުގެ މަސައްކަތްތަކުގެ ތެރޭގައި ހިމެނެނީ:

މިއީ 264.9 މިލިއަން ރުފިޔާގެ މަޝްރޫޢެކެވެ. މި މަޝްރޫޢަކީ ދިވެހި ސަރުކާރުން 231 މިލިއަން ރުފިޔާ ޚަރަދުކޮށްގެން ކުރިއަށްގެންދާ ތަރައްޤީގެ މަޝްރޫޢެކެވެ. އަދި ސަރުކާރުން ވަނީ ފ. އަތޮޅު ނިލަންދޫގައި ވެސް އެއަރޕޯޓެއް ތަރައްޤީކުރުމުގެ މަސައްކަތް ފައްޓަވައިފައެވެ.