ދިވެހި ފުލުހުންގެ ހިދުމަތާއި މޯލްޑިވްސް ބްލަޑް ސާވިސް ގުޅިގެން ލޭ ހަދިޔާކުރުމުގެ ޕްރޮގްރާމެއް ކުރިއަށް ގެންގޮސްފިއެވެ.

މި މަހުގެ 2 ވަނަ ދުވަހު ކުރިއަށް ގެންދިޔަ މި ޕްރޮގްރާމަކީ ތެލަސީމިއާ ކުދިންނަށް ލޭ ހޯދުމުގައި ލުއިފަސޭހަ ގޮތްތަކެއް ގާއިމުކުރުމުގެ މަގުސަދުގައި ކުރިއަށް ގެންދިޔަ ޕްރޮގްރާމެކެވެ.

މި ޕްރޮގްރާމުގައި، ފުލުހުންގެ 38 ވަނަ އަސާސީ ތަމްރީނު ކޯހުގެ ފުލުހުން ބައިވެރިވެ ލޭ ހަދިޔާ ކޮށްފައިވެއެވެ. މިފަދަ ޕްރޮގްރާމުތަކަކީ ފުލުހުންގެ ހިދުމަތުން ވަރަށް ހާއްސަ އިސްކަމެއްދީގެން ކުރިއަށް ގެންދާ ޕްރޮގްރާމުތަކެއްކަމަށް އެހިދުމަތުން ވިދާޅުވެއެވެ. 

ރާއްޖެއަކީ އާބާދީގެ ނިސްބަތުން ތެލިސީމިޔާ ބަލިމީހުން އެންމެ ގިނަ އެއް ޤައުމުކަމަށްވާއިރު ދައުލަތުގެ އެކި އިދާރާތަކާއި އަމިއްލަ ވިޔަފާރިތަކުން އިސްނަގައިގެން ލޭ ހަދިޔާކުރުމުގެ އެކި ޕްރޮގުރާމުތައް އަންނަނީ ބާއްވަމުންނެވެ.