ENGLISH
04 އޭޕްރީލު 2025
ޕެނެމާ ކެނަލްގައި ޗައިނާގެ ނުފޫޒު ކުޑަކުރަން ރޫބިޔޯގެ އިންޒާރެއް
03 ފެބްރުއަރީ 2025
|
އެންމެ މަޤްބޫލު
ދުނިޔޭގައި ކަނޑުމަގުން މުދާ އުފުލުމުގައި އެންމެ މުހިންމު އެއް މަގު ކަމަށްވާ، ޕެނަމާ ކެނަލްގައި ޗައިނާގެ ނުފޫޒު އޮތް ކަމަށް ތުހުމަތުކޮށް، އެކަން ހައްލުނުކޮށްފިނަމަ، ޕެނަމާއާ ދެކޮޅަށް ފިޔަވަޅު އަޅަންޖެހޭނެ ކަމުގެ އިންޒާރު، އެމެރިކާގެ ޚާރިޖީ ވަޒީރު މާކް ރޫބިޔޯ ދެއްވައިފިއެވެ.
އެމެރިކާގެ މުދާ އުފުލާ ބޯޓުތަކުން ބޮޑެތި ފީތައް ނަގައި، ތަފާތުކުރާ ކަމަށް ވިދާޅުވެ، ޕެނަމާ ކެނާލް އެމެރިކާގެ ބާރުގެ ދަށަށް ގެންނަންޖެހިދާނެ ކަމަށް، އެމެރިކާގެ ރައީސް ޑޮނަލްޑް ޓްރަމްޕް އެންމެ ފުރަތަމަ ވިދާޅުވީ، ރައީސްކަމުގެ ހުވައި ކުރެއްވުމުގެ ކުރިންނެވެ.
ރައީސްކަމުގެ މަޤާމުގެ ހުވައި ކުރެއްވުމަށްފަހު، ޓްރަމްޕް ގެންދަވަނީ އެ އިންޒާރު ތަކުރާރު ކުރައްވަމުންނެވެ.
ޓްރަމްޕް ވިދާޅުވި ގޮތުގައި ޕެނަމާ ކެނަލްގައި މިހާރު އޮތީ ޗައިނާގެ ބާރެވެ. އެހެންވެ، ޕެނަމާ ނޫން ބަޔަކު އެތަނަށް ގަދަވާ ނަމަ ތަން އަތުލުން ނޫން ގޮތެއް ނޯންނާނެ ކަމަށް ޓްރަމްޕް ވިދާޅުވެފައިވެއެވެ.
އެކަމުގެ މަޝްވަރާތަކަށް ރޫބިޔޯ ޕެނަމާއަށް ކުރައްވަމުން ގެންދަވާ ދަތުރުގައި، އޭނާ ވަނީ ޕެނަމާ ކެނަލް ހަވާލުކުރުމަށް ވެފައިވާ އެއްބަސްވުމާ ހިލާފަށް ޕެނަމާއިން ޢަމަލުކުރާ ކަމަށް ތުހުމަތުކުރައްވައިފައެވެ.
އަދި އެ ކަންކަން އިސްލާޙުނުކޮށްފިނަމަ، އެއްބަސްވުން އުވައިލަން ޖެހިދާނެކަމަށް ރޫބިޔޯ، ޕެނަމާގެ ރައީސް ހޯސޭ ރައުލް މުލީނޯ އަރިހު ދެންނެވިކަމަށް، ރޫބިޔޯގެ ތަރުޖަމާނު ވިދާޅުވިއެވެ.
އެމެރިކާއިން 1914 ވަނަ އަހަރު ތަރައްޤީކޮށް ނިންމައިލި ޕެނަމާ ކެނަލް، ޕެނަމާ އާ ޙަވާލުކުރީ 1977 ވަނަ އަހަރު އެމެރިކާގެ އޭރުގެ ރައީސް ޖިމީ ކާޓަރ ސޮއިކުރެއްވި އެއްބަސްވުމެއްގެ ދަށުންނެވެ.
އެ ކެނަލްގެ ފުރިހަމަ ކޮންޓްރޯލް ޕެނަމާ އަށް ލިބިފައިވަނީ 1999 ވަނަ އަހަރުގެ ތެރޭގައެވެ.