ENGLISH
04 އޭޕްރީލު 2025
އުރީދޫ މޯލްޑިވްސް އަށް މިދިޔަ އަހަރު ސާފު ފައިދާގެ ގޮތުގައި 684 މިލިއަން ރުފިޔާ
03 ފެބްރުއަރީ 2025
|
އުރީދޫ މޯލްޑިވްސްގެ މައި އޮފީސް: މިދިޔަ އަހަރުގެ ފައިދާ އިން 10 ރުފިޔާގެ ހިއްސާއަކަށް 4.63 ރުފިޔާ ޖެހޭ-- ފައިލް ފޮޓޯ
އެންމެ މަޤްބޫލު
މުއާސަލާތީ ކުންފުނި އުރިދޫ މޯލްޑިވްސްއަށް މިދިޔަ އަހަރު 684 މިލިއަން ރުފިޔާ ސާފު ފައިދާވެފައިވާކަމަށް އެ ކުންފުނީގެ ވަގުތީ ހިސާބުތަކުން ދައްކައިފިއެވެ.
ރާއްޖޭގެ ހިއްސާގެ ބާޒާރުގައި ލިސްޓުކޮށްފައި އުރީދޫ މޯލްޑިވްސް އިން އާންމުކުރި މިދިޔަ އަހަރުގެ އެންމެ ފަހު ކުއާޓާގެ ހިސާބުތަކުން ދައްކާ ގޮތުގައި މޯބައިލް ޚިދުމަތްތަކުން 1.7 ބިލިއަން ރުފިޔާ، ފިކްސްޑް، ބްރޯޑްބޭންޑް އަދި އެނޫން ވިޔަފާރިތަކުން 520 މިލިއަން ރުފިޔާއާއެކު ޖުމުލަ 2.2 ބިލިއަން ރުފިޔާގެ އާމްދަނީއެއް އެ ކުންފުންޏަށް ލިބިފައިވެއެވެ.
އުރީދޫގެ ހިންގުމުގެ ޚަރަދަށް މިދިޔަ އަހަރު ހިނގާފައިވަނީ 1 ބިލިއަންްް ރުފިޔާއެވެ. ޓެކްސްއަށްވާ އަދަދު ކެނޑުމުގެކުރިން ޖުމުލަ ފައިދާގެ ގޮތުގައި ލިބިފައިވަނީ 809 މިލިއަން ރުފިޔާ އެވެ. އެ ކުންފުނީގެ އިންކަމްޓެކްސްއަށްވާ ފައިދާގެ 15 ޕަސެންޓަކީ 125 މިލިއަން ރުފިޔާ އެވެ.
އުރީދޫގެ މޫނުމަތީއަގު 10 ރުފިޔާގެ ހިއްސާއަކަށް މިދިޔަ އަހަރުގެ ފައިދާއިން 4.63 ރުފިޔާ ޖެހެއެވެ. މިދިޔަ އަހަރުގެ ފަހު ކުއާޓާގައި އެ ކުންފުނީގެ ހިއްސާ، ހިއްސާގެ ބާޒާރުގައި މުއާމަލާތް ކޮށްފައިވަނީ އެވަރެޖުކޮށް 83.22 ރުފިޔާއަށެވެ.
އުރީދޫއަށް 2023 ވަނަ އަހަރު ވެސް ސާފުފައިދާގެ ގޮތުގައި 685 މިލިއަން ރުފިޔާ ލިބިފައިވެއެވެ. އަދި ހިއްސާއަކަށް ޖެހުނު ފައިދާގެ ތެރެއިން ޑިވިޑަންޑްގެ ގޮތުގައި ހިއްސާއަކަށް 3.27 މިލިއަން ރުފިޔާގެ މަގުން، ޖުމުލަ 483 މިލިއަން ރުފިޔާ ހިއްސާދާރުންނަށް ބަހާފައިވެއެވެ.
އުރީދޫ މޯލްޑިވްސްގެ އެންމެ ބޮޑު ހިއްސާއެއް އޮންނަނީ ވަތަނިއްޔާ އިންޓަނޭޝަނަލް އަށެވެ. އެއީ 90.5 ޕަސެންޓެވެ. މޯލްޑިވްސް ޕެންޝަން އެޑްމިނިސްޓްރޭޝަން އޮފީހުން 5.64 ޕަސެންޓް ހިއްސާވާއިރު، އެހެނިހެން ފަރާތްތަކުގެ ހިއްސާގެ މިންވަރަކީ 3.86 ޕަސެންޓެވެ.