މުވާޞަލަތީ ކުންފުނި، ދިރާގަށް މިދިޔަ އަހަރު ސާފު ފައިދާގެ ގޮތުގައި 946 މިލިއަން ރުފިޔާ ލިބިފައިވާކަމަށް، އެ ކުންފުނީގެ ވަގުތީ ހިސާބުތަކުން ދައްކައިފިއެވެ.

ދިރާގުން އާންމުކުރި މިދިޔަ އަހަރުގެ ފަހު ކްއާޓާގެ ރިޕޯޓުގައިވާ ގޮތުން 2.8 ބިލިއަން ރުފިޔާގެ އާމްދަނީއެއް މިދިޔަ އަހަރު ލިބިފައިވެއެވެ. އާމްދަނީގެ ދެބައިކުޅަ އެއްބަޔަކީ މޯބައިލް ޚިދުމަތްތަކުން ލިބުނު އާމްދަނީއެވެ. އެއީ 1.5 ބިލިއަން ރުފިޔާއެވެ. އެނޫން ޚިދުމަތްތަކުން ލިބިފައިވަނީ 1.2 ބިލިއަން ރުފިޔާއެެވެ.

ޓެކްސްއަށް ދައްކަން ޖެހޭ މިންވަރު އުނިކުރުމުގެ ހިންމުގެ ފަދާގެ ގޮތުގައި 1.1 ބިލިއަން ރުފިޔާ ދިރާގަށް މިދިޔަ އަހަރު ލިބިފައިވެއެވެ. މިދިޔަ އަހަރު ސާފު ފައިދާގެ ގޮތުގައި ދިރާގަށް ލިބިފައިވަނީ 896 މިލިއަން ރުފިޔާއެވެ. 

ދިވެހި ސަރުކާރުގެ 41.8 ޕަސެންޓުގެ ހިއްސާވާ ދިރާގުން ޓެކްސްގެ ގޮތުގައި 156 މިލިއަން ރުފިޔާ ދައުލަތަށް ދައްކާފައިވެއެވެ. އެއީ ފައިދާގެ 14 ޕަސެންޓެވެ. 

މުޅި ރާއްޖެއަށް ޚިދުމަތް ފޯރުކޮށްދިނުމަށް ދިރާގުން ނުވަ އޮޕްރޭޝަން ސެންޓަރެއް ޤާއިމުކޮށްފައިވާއިރު، ބައި މިލިއަނަށްވުރެ ގިނަ ކަސްޓަމަރުން އެ ކުންފުނީގެ ޚިދުމަތް ހޯދައެވެ.