ENGLISH

04 އޭޕްރީލު 2025

Advertisement

އާންމުންނަށް އަމާޒުކޮށް ރަޝިޔާއިން ޙަމަލާދިން ކަމަށް ޔޫކްރޭނުން ބުނެފި

02 ފެބްރުއަރީ 2025

|

ހަސަން އާމިރު

ޔޫކްރޭނުގެ ބާރުގެ ދަށުގައި މި ވަގުތު އޮތް ކުރޫސްކްގެ އާންމުން ދިރިއުޅޭ ސަރަޙައްދަކަށް ރަޝިޔާއިން ޙަމަލާދީ ހަތަރު މީހަކު މަރާލާފައިވާ ކަމަށް ޔޫކްރޭނުން ބުނެފިއެވެ.

ކުރޫސްކްގެ ސަރަޙައްދުގެ ގިނަ އަވަށްތަކެއް ޔޫކްރޭނުން ހިފީ، މިދިޔަ އަހަރުގެ އޯގަސްޓު މަހުގެ ތެރޭގައި ދިން ކުއްލި ޙަމަލާތަކަށްފަހުއެވެ.

ޔޫކްރޭނުން ބުނީ ރަޝިޔާއިން "ގަސްދުގައި" ވައިގެ ޙަމަލާއެއް އަމާޒުކޮށްފައިވަނީ ބޯޑިން ސްކޫލަކަށް ކަމަށެވެ.

ޙަމަލާދިން ވަގުތު، އެތަނުގައި ތިބި މީހުން ތައްޔާރުވީ، ސަލާމަތީ ހިސާބަކަށް ދިޔުމަށް ކަމަށް ވެސް ޔޫކްރޭނުގެ އަސްކަރިއްޔާއިން ބުންޏެވެ.

އެ ޙަމަލާގައި ވެއްޓުނު އިމާރާތުގެ ދަށުން، 84 މީހަކު ސަލާމަތްކޮށް، ހޮސްޕިޓަލުގައި ފަރުވާދީފައިވާ ކަމަށް ވެސް ބުނެފައިވެއެވެ.

ޔޫކްރޭނުގެ ރައީސް ވްލޮޑިމިޔަރ ޒެލެންސްކީ އެކްސްގައި ވިދާޅުވީ، ރަޝިޔާއިން އެ ޤައުމުގެ އަމިއްލަ ރައްޔިތުންނަށް ވެސް ނުބަލައި ޙަމަލާ ދެމުންދާ ކަމަށެވެ.

އަދި މި ޙަމަލާދިން އިރު، އެ އިމާރާތުގެ ތެރޭގައި އާންމުންގެ ގިނަ ބަޔަކު ތިބިކަން ރަޝިޔާގެ އަސްކަރިއްޔާއަށް ރަނގަޅަށް އެނގޭނެ ކަމަށް ވެސް ޒެލެންސްކީ ތުހުމަތުކުރެއްވިއެވެ.

ކިޔުންތެރިންގެ ހިޔާލު