ENGLISH
04 އޭޕްރީލު 2025
ޣައްޒާ ސުލްޙައިގެ އެއްބަސްވުމުގެ ދަށުން އިތުރު ތިން ރަހީނަކު މިނިވަންކޮށްފި
01 ފެބްރުއަރީ 2025
|
އެންމެ މަޤްބޫލު
ފަލަސްތީނުގެ ޣައްޒާގައި ހަނގުރާމަ ހުއްޓައިލުމުގެ އެއްބަސްވުމުގެ ހަތަރު ވަނަ ބުރުގައި ހިމެނޭ، ޙަމާސް ޖަމާޢަތުން ރަހީނުކޮށްފައިވާ މީހުންގެ ތެރެއިން އިތުރު ތިން މީހަކު މިއަދު މިނިވަންކޮށްފިއެވެ.
އޭގެ ބަދަލުގައި އިޒްރޭލުގެ ޖަލުތަކުގައި ބަންދުކޮށްފައިތިބި، 183 ޤައިދީން މިއަދުގެ ވަގުތެއްގައި މިނިވަންކުރާނެއެވެ.
އިޒްރޭލުގެ އަސްކަރިއްޔާ އިން ބުނީ، މިއަދު މިނިވަންކުރި ތިން ރަހީނުން ވެސް ސަލާމަތުން އިޒްރޭލަށް ގެނެސްފައިވާ ކަމަށެވެ.
އިޒްރޭލުން ޣައްޒާއަށް ހުއްޓުމެއްނެތި ޙަމަލާތައް ދޭން ފެށިތާ 15 މަސް ދުވަސް ފަހުން، ގިނަ ޤައުމުތަކެއް މެދުވެރިވެގެން، ސުލްޙައިގެ އެއްބަސްވުމެއް އެކުލަވާލައި، ޢަމަލުކުރަން ފަށާފައިވަނީ މިދިޔަ މަހުގެ 19 ވަނަ ދުވަހުއެވެ.
އެއްބަސްވުމުގެ ފުރަތަމަ ފިޔަވަހީގެ ދަށުން 33 ރަހީނުން މިނިވަންކުރަން ހަމަޖެހިފައިވާއިރު، އިޒްރޭލުގެ ޖަލުތަކުން 1،900 އެއްހާ ފަލަސްތީނުގެ ޤައިދީން މިނިވަންކުރާނެ ކަމަށް މަޢުލޫމާތު ލިބިފައިވެއެވެ.
އެކި މަސްދަރުތަކުން ލިބޭ މަޢުލޫމާތުތަކަށް ބަލާއިރު، މި އެއްބަސްވުން ވަނީ ތިން ފިޔަވައްސަކަށް ބަހާލައިފައެވެ.
ރަހީނުންނާއި ޤައިދީން މިނިވަންކުރުމުގެ އިތުރުން، ޣައްޒާގައި މީހުން އެންމެ ގިނައިން ދިރިއުޅޭ ސަރަޙައްދުތަކުން އިޒްރޭލު ސިފައިން ފައިބާނެއެވެ.
މި އެއްބަސްވުމުގެ ދެވަނަ ފިޔަވަހީގެ މަޝްވަރާތައް އަންނަ ހޯމަ ދުވަހު ފެށުމަށް ވަނީ ހަމަޖެހިފައެވެ.
ދެވަނަ ފިޔަވަހީގައި، ޣައްޒާގައި ދާއިމީކޮށް ޙަމަލާތައް ހުއްޓާލައި، ބާކީ ތިބި ރަހީނުންނާއި ޤައިދީން ވެސް މިނިވަންކުރާނެއެވެ.
މީގެއިތުރުން، ޣައްޒާގެ ހުރިހާ ސަރަޙައްދުތަކުން އިޒްރޭލު ސިފައިން ފޭބުން ވެސް މި ފިޔަވަހީގައި ހިމެނޭނެއެވެ.
މި އެއްބަސްވުމުގެ ތިންވަނަ ނޫނީ ފަހު ފިޔަވަހީގެ ދަށުން، ޣައްޒާގައި ސުންނާފަތިވެފައިވާ ޢިމާރާތްތަކާއި ވަޞީލަތްތައް އަލުން އިމާރާތްކޮށް އިޔާދަކުރުމުގެ މަސައްކަތް ފެށޭނެއެވެ.