ENGLISH
04 އޭޕްރީލު 2025
ތިން ހަފްތާ ފަހުން ލޮސް އެންޖެލީސްގެ އަލިފާންގަނޑު ނިއްވާލައިފި
01 ފެބްރުއަރީ 2025
|
އެންމެ މަޤްބޫލު
އެމެރިކާގެ ލޮސް އެންޖެލީސްގެ ޖަންގަލީގައި ރޯވި އަލިފާންގަނޑު، ތިން ހަފްތާއަށް ވުރެ ގިނަ ދުވަސް ފަހުން މިހާރު އެކީހެން ނިއްވާލެވިފައިވާ ކަމަށް ކަމާގުޅޭ އިދާރާތަކުން ބުނެފިއެވެ.
އެމެރިކާގެ މަޝްހޫރު ބޮލީވުޑް ސިޓީގެ ޖަންގަލީގައި ރޯވި އަލިފާންގަނޑުގައި އެ ސިޓީގެ ބޮޑު ސަރަޙައްދެއް ވަނީ އަނދައި އަޅިއަށްވެފައެވެ.
އެ ސިޓީގައި މައި ދެ ސަރަޙައްދެއްގައި ފެތުރުނު އަލިފާންގަނޑު 37،000 ހެކްޓަރަކަށް ވުރެ ބޮޑު ސަރަޙައްދަކަށް ފެތުރި، 30 މީހުން ވަނީ މަރުވެފައެވެ.
އެ ހާދިސާގައި އަގު ބޮޑެތި ގެތަކާއި އިމާރާތްތައް އަނދައި އަޅިއަށްވެ، ލިބުނު ގެއްލުންތަކުގެ އަގު އެތައް ބިލިއަން ޑޮލަރަށް އަރާނެ ކަމަށް ކަމާގުޅޭ އިދާރާތަކުން ވަނީ ލަފާކޮށްފައެވެ. މިގޮތުން، ލިބުނު ގެއްލުންތަކުގެ އަގު 250 - 275 މިލިއަން ޑޮލަރަށް އަރާނެ ކަމަށް ލަފާކޮށްފައިވެއެވެ.
އަލިފާންގަނޑު ކޮންޓްރޯލް ކުރެވުމާ ގުޅިގެން، ސަލާމަތީ ސަރަޙައްދުތަކަށް ދާން އާންމުންނަށް އަންގާފައިވާ އެންގުން މިހާރު ވަނީ ބާތިލުކޮށްފައެވެ.
ނަމަވެސް، މި ހާދިސާ ހިނގި ސީދާ ސަބަބެއް މިހާތަނަށް ދެނެގަނެވިފައިނުވާ ކަމަށް ކަމާގުޅޭ އިދާރާތަކުން ބުންޏެވެ.