ENGLISH
26 ނޮވެމްބަރު 2024
ޤައުމަށް ޚިދުމަތް ކުރުމުގައި ނަމޫނާ ދައްކާ ޑޮކްޓަރުންނަށް ވުމަށް މިނިސްޓަރ އެދިވަޑައިގެންފި
06 ނޮވެމްބަރު 2024
|
އެންމެ މަޤްބޫލު
މޯލްޑިވްސް ނޭޝަނަލް ޔުނިވަރސިޓީން ދަސްވެނިވި ފުރަތަމަ ބުރުގެ ޑޮކްޓަރުންނާ މިނިސްޓަރ އަބުދުﷲ ނާޒިމް އިބްރާހީމް މިއަދު ބައްދަލުކުރައްވައި ޤައުމަށް ޚިދުމަތް ކުރުމުގައި ނަމޫނާ ދައްކާ ޑޮކްޓަރުންނަށް ވުމަށް އެދިވަޑައިގެންފިއެވެ.
ހެލްތު މިނިސްޓްރީގައި މިއަދު ބޭއްވި މި ބައްދަލުވުމުގައި މިނިސްޓަރ ވަނީ ހުރިހާ ޑޮކްޓަރުންނަށް މަރުޙަބާ ދަންނަވައި، ދަސްވެނިވި ހުރިހާ ދަރިވަރުންގެ ފަރާތުން މުޖުތަމަޢަށް ފައިދާ ހުރި އިޖުތިމާޢީ މަސައްކަތެއް ކޮށްދިނުމަށް އެދިވަޑައިގެންފައެވެ.
މީގެ އިތުރުން ރާއްޖޭގެ ޞިއްހީ ދާއިރާއަށް ދިވެހި ޑޮކްޓަރުން ގެ މުހިންމުކަން ފާހަގަކުރައްވާ ޚާއްޞަކޮށް އަތޮޅުތަކުގެ ޞިއްޚީ ހާލަތު ރަނގަޅުކުރުމަށް ދިވެހި ޑޮކްޓަރުން ބޭނުންވާކަން މިނިސްޓަރ ފާހަގަކުރެއްވި އެވެ. އަދި ޚާއްޞަކޮށް އާއްމުންގެ އިތުބާރު، ހޮސްޕިޓަލްތަކުގައި މަސައްކަތް ކުރައްވާ ދިވެހި ސްޕެޝަލިސްޓް ޑޮކްޓަރުންނަށް ބޮޑުކަން މިނިސްޓަރ ފާހަގަކުރެއްވި އެވެ.
އެހެން ކަމުން ހުރިހާ ޑޮކްޓަރުންވެސް ޝައުޤުވެރިވާ ދާއިރާއަކުން ސްޕެޝަލައިޒްވުމުގެ ވިސްނުން ގެންގުޅުމަށް މިނިސްޓަރ އެދިވަޑައިގަތެވެ.
ދަސްވެނިވި ޑޮކްޓަރުންގެ ފަރާތުން ވަނީ ޔުނިވަރސިޓީގައި ކިޔެވި ދުވަސްވަރުގެ ތަޖުރިބާ ހިއްސާކުރައްވާ ކޯހުގެ ފެންވަރު އެއްދުވަހުން އަނެއް ދުވަހަށް އިތުރުކުރުމަށް ޔުނިވަރސިޓީން ކުރެއްވި މަސައްކަތް ފާހަގަކުރައްވާފައެވެ.
ޤައުމީ ޔުނިވަރސިޓީގެ ސްކޫލް އޮފް މެޑިސިންގެ ފުރަތަމަ ބެޗް ގެ 21 ދަރިވަރުން ވަނީ މިދިޔަ އޮކްޓޯބަރ މަހުގެ 31 ވަނަ ދުވަހު ގްރަޖުއޭޓް ވެފައެވެ.
މިއަދުގެ މި ބައްދަލުވުމުގައި މިނިސްޓްރީގެ އިސްމުވައްޒަފުންގެ އިތުރުން، ސްކޫލް އޮފް މެޑިސިން ގެ ޑީން، ޑރ. ޝީޒާ އަލީ ބައިވެރިވަޑައިގެންނެވި އެވެ.
އެމް.އެން.ޔޫ އިން ގްރަޖުއޭޓްވި ހުރިހާ ދަރިވަރުން މިހާރު އަންނަނީ އައި.ޖީ.އެމް.އެޗްގައި އެއް އަހަރު ދުވަހުގެ އިންޓަރންޝިޕްއެއް ފުރިހަމަކުރަމުންނެވެ.