މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަށް އެ އޮތޯރިޓީގެ އެސިސްޓެންޓް ކޮމިޝަނަރު ޖެނެރަލް އެންފޯސްމެންޓް ފާތިމަތު އަމީޒާ އައްޔަންކުރަން ރައްޔިތުންގެ މަޖިލީހުން ފާސްކޮށްފި އެވެ.

އަމީޒާގެ ނަން ފާސްވީ ވޯޓުގައި ބައިވެރިވެވަޑައިގެންނެވި 64 މެމްބަރުންގެ ތާއީދުގެ ވޯޓުންނެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުވަނީ ނިމިދިޔަ އޮކްޓޯބަރ މަހު މި މަގާމަށް ޝަރުތު ހަމަވާ ދެ ބޭފުޅުންގެ ނަން ރައްޔިތުން މަޖިލީހަށް ހުށަހަޅުއްވާފައެވެ. އެއީ ފާތިމަތު އަމީޒާއާއި މިހާރު ވެސް ޑެޕިއުޓީ ކޮމިޝަނަރގެ މަގާމުގައި ހުންނެވި އަސްމާ ޝަފީއުއެވެ.

މިވަގުތު އެ މަގާމުގައި ހުންނެވީ އަސްމާގެ މަގާމުގެ ދައުރު ހަމަވާނީ މިމަހުގެ 31 ވަނަ ދުވަހުގެ ނިޔަލަށެވެ.