ENGLISH

04 އޭޕްރީލު 2025

Advertisement

ޔޫކްރޭނާ އެކު ސުލްޙައިގެ މަޝްވަރާ ކުރަން ރަޝިޔާ ތައްޔާރު، އެކަމަކު ޒެލެންސްކީއާ ވާހަކައެއް ނުދައްކާނެ

29 ޖެނުއަރީ 2025

|

ހަސަން އާމިރު

ޔޫކްރޭންއާ ދެކޮޅަށް ކުރަމުންދާ ހަނގުރާމަ ހުއްޓާލައި، ސުލްޙަ ޤާއިމުކުރުމުގެ މަޝްވަރާކުރަން ތައްޔާރަށް އޮތް ނަމަވެސް، ޔޫކްރޭނުގެ "ޤާނޫނާ ޚިލާފު" ރައީސް ވްލޮޑިމިޔަރ ޒެލެންސްކީ އާ ވާހަކައެއް ނުދައްކާނެ ކަމަށް ރަޝިޔާގެ ރައީސް ވްލެޑިމިޔަރ ޕޫޓިން ވިދާޅުވެއްޖެއެވެ.

ރަޝިޔާއާ ދެކޮޅަށް އަޅާފައިވާ ދަތިރިކުރުމުގެ ފިޔަވަޅުތައް ހަރުކަށި ކުރާނެ ކަމުގެ އިންޒާރާ އެކު ޔޫކްރޭނާއެކު ސުލްޙައިގެ އެއްބަސްވުމެއް ހަދައި، ހަނގުރާމަ ވަގުތުން ހުއްޓައިލަން، އެމެރިކާގެ ރައީސް ޑޮނަލްޑް ޓްރަމްޕް ވަނީ ގޮވާލައްވައިފައެވެ.

އެކަމާ ގުޅިގެން، ޕޫޓިން އިއްޔެ ވިދާޅުވީ ސުލްޙައިގެ މަޝްވަރާތަކުގައި ޒެލެންސްކީ ބައިވެރިވެވަޑައިގަންނަވާނަމަ، އެ މަޝްވަރާތަކުގައި އޭނާ ސީދާ ބައިވެރިވެވަޑައި ނުގަންވާނެ ކަމަށެވެ.

ޕޫޓިން ޤަބޫލުކުރައްވާ ގޮތުގައި، ޔޫކްރޭނުގައި ކުއްލި ޙާލަތު އިޢުލާނުކޮށް، ވެރިކަމުގެ ދައުރު ހަމަވިފަހުން ވެސް ޒެލެންސްކީ ރައީސްކަމުގެ ހުންނެވީ ޤާނޫނާ ޚިލާފަށެވެ.

ސުލްޙައިގެ މަޝްވަރާގެ ތެރެއިން ވެސް ރަޝިޔާގެ މަސްލަޙަތު ހިމާޔަތް ކުރެއްވުމުގައި ދޫނުދެއްވާނެކަމަށް ވެސް ޕޫޓިން ވަނީ ވިދާޅުވެފައެވެ.

ޕޫޓިންގެ ވާހަކަތަކަށް ރައްދު ދެއްވައި، ޒެލެންސްކީ ވިދާޅުވީ، ސުލްޙައިގެ މަޝްވަރާއަށް ޕޫޓިން ޖެހިލުންވެވަޑައިގަންނަވާތީ "ބަހަނާ" ދައްކަވަނީ ކަމަށެވެ.

ކިޔުންތެރިންގެ ހިޔާލު