ލުބުނާންގައި ހަރަކާތްތެރިވަމުން އަންނަ ހިޒްބުﷲ ޖަމާއަތުން އިސްރާއީލްގެ ބިން ގޫރިއަން އެއާޕޯޓަށް ހަމަލާދީފިއެވެ.

އިސްރާއީލްގެ ވެރިރަށް ތެލް އަވީވްއަށާއި އެ ގައުމުގެ އުތުރަށް އަމާޒުކޮށް ހިޒްބުﷲ އިން 11 މިސައިލް ފޮނުވާލައިފާވާކަމަށް މީޑިއާ ރިޕޯޓުތަކުން ބުނެއެވެ. އޭގެއިތުރުން ހިޒްބުﷲ އިން ފޮނުވާލި ރޮކެޓެއް ވަނީ އިސްރާއީލްގެ އެއާޕޯޓަށް ވެއްޓި ގެއްލުންވެފައެވެ.

އިސްރާއީލްގެ މީޑިއާތަކުން ރިޕޯޓު ކުރާ ގޮތުގައި އިސްރާއީލްގެ ވެރިރަށާއި އުތުރުގައި ވަރުގަދަ ގޮވުންތަކެއް ވަނީ ގޮވައިފައެވެ.

އަދި މިސައިލް އަދި ރޮކެޓް ހަމަލާތަކުން ސަލާމަތްވުމަށް އިސްރާއީލްގެ ރައްޔިތުން ބިންގަރާސްތަކަށް ދިޔަ މަގުމަތީގައި ބައެއް މީހުންނަށް އަނިޔާ ވެސް ވެފައިވާކަމަށެވެ.

އެއާޕޯޓަށް ފޮނުވާލި ހަމަލާއާ ގުޅިގެން ފްލައިޓުގެ ދަތުރުތަކަށް ވެސް ވަރަށް ބޮޑަށް ވަނީ ބުރޫ އަރައިފައެވެ.