ENGLISH
04 އޭޕްރީލު 2025
ލޮސް އެންޖެލީސްގެ އިތުރު ސަރަޙައްދެއްގައި ހުޅުހިފައި، އެތައް ހާސް ބަޔަކު ރައްކާތެރިކަމުގެ ހިސާބުތަކަށް
23 ޖެނުއަރީ 2025
|
އެންމެ މަޤްބޫލު
އެމެރިކާގެ ލޮސް އެންޖެލީސްގެ ދެކުނުގެ އިތުރު ސަރަޙައްދެއްގައި ރޯވެ، އެތައް ހާސް މީހުން ސަލާމަތީ ހިސާބުތަކަށް ގެންގޮސްފިއެވެ.
މީގެ ދެ ހަފްތާއެއްހާ ދުވަސް ކުރިން، އެމެރިކާގެ މަޝްހޫރު ބޮލީވުޑް ސިޓީގެ ޖަންގަލީގައި ރޯވި އަލިފާންގަނޑުގައި އެ ސިޓީގެ ބޮޑު ސަރަޙައްދެއް މިހާރު ވެސް ވަނީ އަނދައި އަޅިއަށްވެފައެވެ.
އޮފިޝަލުން ބުނީ ލޮސް އެންޖެލީސްގެ ދެކުނުގައި އޮންނަ ކަސްޓެއިކް ލޭކު ސަރަޙައްދުގައި ގަސްތައް ގިނަ ސަރަޙައްދެއްގައި ރޯވެ، ބާރު ސްޕީޑުގައި އަލިފާންގަނޑު ފެތުރެމުންދާ ކަމަށެވެ.
މިގޮތުން، ވައި ބާރުވުމުގެ ސަބަބުން، މަދުގަޑިއިރުކޮޅެއްގެ ތެރޭގައި، މިހާތަނަށް 3،800 ހެކްޓަރުގެ ސަރަޙައްދެއްގައި ރޯވެ، އަނދަމުންދާ ކަމަށް އޮފިޝަލުން ބުންޏެވެ.
އަލިފާން ނިއްވުމަށް 4،000 އަށް ވުރެ ގިނަ ފަޔަރފައިޓަރުންނާއި އޮފިޝަލުން ހަރަކާތްތެރިވަމުންދާ ކަމަށް ރިޕޯޓުތައް ބުނެއެވެ.
އަލިފާންގަނޑު ފެތެރުމުންދާތީ، އެ ސަރަޙައްދުގައި ދިރިއުޅޭ 31،000 އަށް ވުރެ ގިނަ މީހުން ވަނީ ސަލާމަތީ ހިސާބުތަކަށް ގެންގޮސްފައެވެ. އަދި އެ ސަރަޙައްދުގައި ހުންނަ ޖަލަކުން، 500 އެއްހާ ޤައިދީން ވަނީ އެހެން ޖަލަކަށް ބަދަލުކޮށްފައެވެ.
އެމެރިކާގެ ދެވަނަ އަށް އެންމެ ބޮޑު ސިޓީގެ އެކި ހިސާބުތަކަށް އަލިފާންގަނޑު ފެތުރި، މިހާތަނަށް 27 މީހަކު ވަނީ މަރުވެފައެވެ.