ENGLISH
04 އޭޕްރީލު 2025
ތުރުކީގެ ސްކީ ރިސޯޓެއްގައި ހިނގި އަލިފާނުގެ ހާދިސާގައި 76 މީހަކު މަރުވެއްޖެ
22 ޖެނުއަރީ 2025
|
އެންމެ މަޤްބޫލު
ތުރުކީގެ ބޯލޫގެ ކާރްތާލްކަޔާ ސްކީ ރިސޯޓުގައި ހިނގި އަލިފާނުގެ ހާދިސާއެއްގައި 76 މީހަކު މަރުވެއްޖެއެވެ.
ފިނި މޫސުމުގައި ޗުއްޓީ ހޭދަކުރަން އެ ރިސޯޓުގައި ގިނަ އަދަދެއްގެ ގެސްޓުން ތިބި ކަމަށް އޮފިޝަލުން ވިދާޅުވިއެވެ.
މަރުވި މީހުންގެ ތެރެއިން، 52 މީހަކު މިހާރު ދެނެގަނެވިފައިވާ ކަމަށާއި، ބާކީ ތިބި މީހުން ދެނެގަތުމުގެ މަސައްކަތް ކުރަމުންދާ ކަމަށް އޮފިޝަލުން ވިދާޅުވެފައިވެއެވެ.
މަންޒަރު ދުށް ބައެއް މީހުންނާ ޙަވާލާދީ ބައެއް މީޑިއާ ރިޕޯޓުތައް ބުނާ ގޮތުގައި، ހާދިސާ ހިނގި ވަގުތު، ހޮޓަލުގެ މަތީ ފްލޯތަކުގައި ތިބި ބައެއް މީހުން އަލިފާނުން ސަލާމަތްވާން ކުޑަދޮރުތަކުން ބޭރަށް ފުންމާލިކަމަށްވެއެވެ.
އެ ހާދިސާ ހިނގި ވަގުތު، އެ ރިސޯޓުގައި 238 ގެސްޓުން ތިބި ކަމަށް އޮފިޝަލުން ވިދާޅުވިއެވެ.
އެ ހާދިސާގައި މަރުވި މީހުންގެ އިތުރުން، އެކިވަރުގެ އަނިޔާތައް ލިބިގެން 51 މީހަކު ހޮސްޕިޓަލަށް ގެންދިޔައެވެ. ނަމަވެސް، އޭގެތެރެއިން 17 މީހަކު ވަނީ ފަރުވާ ދިނުމަށްފަހު ހޮސްޕިޓަލުން ދޫކޮށްލައިފައެވެ.
އަލިފާން ރޯވި އިރު، އެ އިމާރާތުގައި ފަޔަރ އެލާމެއް ވެސް އަދި ފަޔަރ އެސްކޭޕެއް ނެތް ކަމަށް ރިޕޯޓުތައް ބުނެއެވެ.
އެކަމާ ގުޅިގެން އެ ރިސޯޓުގެ ވެރިޔާ ހިމެނޭ ގޮތަށް ކަމާގުޅޭ އިދާރާތަކުން އެ ހާދިސާ ތަހުޤީޤު ކުރަމުންދާކަމަށް ބުނެފައިވެއެވެ.