ގދ. އަތޮޅުގައި ޕްރައިމަރީ ހެލްތްކެއަރ (ޕީ.އެޗް.ސީ) އެންހޭންސްމަންޓް ޕްރޮގްރާމް ރަސްމީކޮށް ފަށައިފިއެވެ. މި ޕްރޮގްރާމަކީ މުޖުތަމަޢުގެ ޞިއްޙީ ޚިދުމަތްތައް ހަރުދަނާކޮށް، އަސާސީ ޞިއްޙީ ފަރުވާއަށް ވާޞިލުވުމުގެ ފުރުޞަތު އިތުރުކޮށް، ޞިއްޙީ ނަތީޖާތައް ރަނގަޅުކުރުމަށް އަމާޒުކޮށްގެން ފަށާފައިވާ މުހިންމު މަޝްރޫޢެކެވެ.

މި ޕްރޮގްރާމް ފެށުމާއެކު، ގދ. އަތޮޅަކީ މި ޕްރޮގްރާމް ތަންފީޒުކުރަން ފަށާފައިވާ ހަތަރުވަނަ އަތޮޅެވެ. މީގެ ކުރިން މި ޕްރޮގްރާމް ވަނީ ނ. އަތޮޅާއި، ޏ. އަތޮޅާއި އަދި ބ. އަތޮޅުގައި ފަށާފައެވެ. މި ޕްރޮގްރާމް ފެށުމުން ގދ. އަތޮޅުގެ ރައްޔިތުންނަށް ލިބޭ ޞިއްޙީ ޚިދުމަތްތަކުގެ ފެންވަރު މަތިވެ، ޚިދުމަތް ލިބިގަތުމަށް ހުރި ހުރަސްތައް ނައްތާލެވޭނެ ކަމަށް ބެލެވެއެވެ.

ޕްރައިމަރީ ހެލްތްކެއަރ އެންހޭންސްމަންޓް ޕްރޮގްރާމްގެ ދަށުން، ރަށު ފެންވަރުގައި ދެވޭ އަސާސީ ޞިއްޙީ ޚިދުމަތްތައް ފުޅާކޮށް، ޞިއްޙީ މަރުކަޒުތަކުގެ ވަސީލަތްތައް އިތުރުކުރެވޭނެކުރެވޭނެއެވެ. އަދި ޞިއްޙީ މުވައްޒަފުންގެ ހުނަރު އިތުރުކޮށް، ބަލިތައް ދެނެގަތުމާއި ފަރުވާ ދިނުމުގެ ޤާބިލުކަން އިތުރުކުރެވޭނެއެވެ.