މަޤާމުގެ ނުފޫޒު ނަހަމަ ގޮތުގައި ބޭނުންކުރުމާއި ޚިޔާނާތުގެ ކުށް ސާބިތުވާ ކަމަށް ކަނޑައަޅައި، ޕާކިސްތާނުގެ ކުރީގެ ބޮޑުވަޒީރު އިމްރާން ޚާންގެ އަނބިކަނބަލުން ބުޝްރީ ބީބީ، ހަތް އަހަރަށް ޖަލަށް ލާން ހުކުމްކޮށްފިއެވެ.

ކުރީގެ ބޮޑުވަޒީރު އިމްރާން ޚާން މަޤާމުން ދުރުކޮށް، މިދިޔަ އަހަރުގެ މެއި މަހު ހައްޔަރުކުރީ، ޕާކިސްތާނުގެ ބާރުގަދަ އަސްކަރީ ލީޑަރުންނާ ދެކޮޅަށް ފެއްޓެވި ވަރުގަދަ ކެމްޕޭނާ ގުޅިގެން ޚިޔާނާތުގެ ތުހުމަތުގައެވެ.

ޚާންގެ އަނބިކަނބަލުންގެ ޖަލަށް ލާން ހުކުމްކުރީ، ޚާން ހިންގަވައި އަލް ޤާދިރު ޔުނިވަރސިޓީ ޕްރޮޖެކްޓް ޓްރަސްޓުގެ ފައިސާތަކަކަށް ޚިޔާނަތްތެރިވި މައްސަލައެއްގައެވެ. އެ މައްސަލައިގައި ޚާންއަށް އިއްވާފައިވަނީ އެއް މިލިއަން ޕާކިސްތާނު ރުޕީސްއިން ޖޫރިމަނާ ކުރުމުގެ ހުކުމެކެވެ.

މި މައްސަލާގައި ޚާން އާއި އަނބިކަނބަލުންގެ މައްޗަށް ކޮށްފައިވަނީ ސިޔާސީ ދަޢުވާތަކެއް ކަމަށް އެ މަނިކުފާނުގެ ޤާނޫނީ ވަކީލު ވަނީ ވިދާޅުވެފައެވެ.