ENGLISH
04 އޭޕްރީލު 2025
ލޮސް އެންޖެލީސް އަލިފާން: ގެދޮރަށް އެނބުރި ދެވޭނީ އަދި ހަފްތާއެއް ފަހުން
17 ޖެނުއަރީ 2025
|
އެންމެ މަޤްބޫލު
އެމެރިކާގެ ލޮސް އެންޖެލީސްގެ ޖަންގަލީގައި ރޯވި އަލިފާންގަނޑުގައި އެ ސިޓީގެ ބޮޑު ސަރަޙައްދެއް އަނދައި އަޅިއަށްވެފައިވާއިރު، ސަލާމަތީ ސަރަޙައްދުތަކަށް ބަދަލުކުރި މީހުންނަށް، އެނބުރި ގެދޮރަށް ދާން އަދި އިތުރު ހަފްތާއެއް މަޑުކުރަންޖެހޭނެ ކަން އަންގައިފިއެވެ.
އެ އަލިފާނުގެ އަސަރު ނުކުރާ ގެތަކަށް އެނބުރި ދާން ހުއްދަ ދިނުން ލަސްވާތީ، އާންމުން ދަނީ ނުރުހުން ފާޅުކުރަމުންނެވެ.
ނަމަވެސް، މި ހާދިސާގައި 40،000 ހެކްޓަރުގެ ބޮޑު ސަރަޙައްދެއް އަނދާފައިވާއިރު، ވިހަ ދުމާއި ބިންގަނޑު ކަނޑައިގެން ދިޔުން ފަދަ ނުރައްކާ ބޮޑުކަމަށް އޮފިޝަލުން ވަނީ ބުނެފައެވެ.
މިގޮތުން، އަލިފާންގަނޑު ފެތުރި، ނަރުދަމާ، ކަރަންޓު އަދި ގޭސް ނިޒާމުތަކަށް ބޮޑެތި ގެއްލުންތައް ލިބި، ވިހަ މާއްދާތައް މުޅި ހިސާބަށް ފެތުރިފައިވާ ކަމަށް ކަމާބެހޭ އިދާރާތަކުން ވަނީ ބުނެފައެވެ.
ވައި ބާރުވުމުގެ ސަބަބުން، އެމެރިކާގެ ދެވަނަ އަށް އެންމެ ބޮޑު ސިޓީގެ އެކި ހިސާބުތަކަށް އަލިފާންގަނޑު ފެތުރި، މިހާތަނަށް 27 މީހަކު ވަނީ މަރުވެފައެވެ.
ނަމަވެސް، ގާތްގަނޑަކަށް ހަފްތާއެއް ވަންދެން ފަޔަރ ފައިޓަރުން ކުރި މަސައްކަތުން، ގިނަ ސަރަޙައްދުތަކުގައި އަލިފާންގަނޑު މިހާރު ވަނީ ވަރަށް ބޮޑަށް ކޮންޓްރޯލްކުރެވިފައެވެ.