އިމާމުންނަށް އިތުރު ތަމްރީން ދިނުމަށް އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ ޕްރޮގްރާމުގެ ދަށުން ދަށުން ތަމްރީނަށް 15 އިމާމަކު އިންޑޮނޭޝިޔާ އަށް، ފުރުމަށް ތައްޔާރުވެއްޖެއެވެ.

މި މަހުގެ 10 ވަނަ ދުވަހުގެ ނިޔަލަށް ކުރިއަށްދާ މި ދަތުރަށް ފުރާ އިމާމުންނާ އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވަނީ ބައްދަލުކުރައްވައި ދަތުރުގެ ބޭނުން ހެޔޮ ގޮތުގައި ހިއްޕެވުމަށާއި، ލިބިލައްވާ ޢިލްމާއި މަޢުލޫމާތުތަކުގެ ބޭނުން ޢަމަލީ މައިދާނުގައި ހިއްޕެވުމަށް ނަސޭހަތްތެރިވެވަޑައިގެންފައެވެ.

މި އަހަރުގެ މިހާތަނަށް އިތުރު ތަމްރީނަށް 100 އިމާމުން ރާއްޖޭން ބޭރަށް ފޮނުވާފައިވެއެވެ. އޭގެ ތެރޭގައި ސަޢުދީ ޢަރަބިއްޔާއަށާއި، ބުރޫނާއީގެ އިތުރުން މެލޭޝިޔާއަށް އިމާމުން ފޮނުވާފައިވާފައިވެ އެވެ.

އިމާމުންނަށް އިތުރު ތަމްރީނާއި ތަޢުލީމުގެ ފުރުސަތުތައް ހޯދައިދިނުމަކީ ރައީސް ޑރ. މުޙައްމަދު މުޢިއްޒުގެ ސަރުކާރުން ވަރަށް އިސްކަމެއް ދެއްވާ ކަމެކެވެ.