ENGLISH
04 އޭޕްރީލު 2025
ދެކުނު ކޮރެޔާގެ ކުރީގެ ރައީސް ޔޫން ހާޒިރުނުވުމުން، އަޒުލުކުރި މައްސަލައިގެ ފުރަތަމަ އަޑުއެހުން ކުރުކޮށްލައިފި
14 ޖެނުއަރީ 2025
|
އެންމެ މަޤްބޫލު
ދެކުނު ކޮރެޔާގައި ކުއްލި ޙާލަތު އިޢުލާނުކުރެއްވުމާ ގުޅިގެން ރައީސްކަމުގެ މަޤާމުން އަޒުލުކޮށްފައިވާ މައްސަލައިގެ ޝަރީއަތަށް، ޔޫން ސުކް ޔެއޯލް ހާޒިރުނުވުމުން، އެ މައްސަލައިގެ ފުރަތަމަ އަޑުއެހުން ކުރުކޮށްލައިފިއެވެ.
މިއަދު ބޭއްވި ފުރަތަމަ އަޑުއެހުމަށް، ސަލާމަތީ ސަބަބުތަކަށްޓަކައި ޔޫން ވަޑައިނުގަންނަވާނެ ކަމަށް އެ މަނިކުފާނުގެ ޤާނޫނީ ވަކީލުންގެ ޓީމުން ކުރިން ވަނީ ބުނެފައެވެ.
ޔޫން ހާޒިރުނުވުމުން، އަޑުއެހުން ފެށިތާ ކުޑަ ވަގުތުކޮޅެއްގެ ތެރޭގައި އަޑުއެހުން ވަނީ ނިންމާލައިފައެވެ.
ދެކުނު ކޮރެޔާގެ ޤާނޫނުއަސާސީގެ ދަށުން، ދަޢުވާކޮށްފައިވާ މީހެއްގެ ޣައިރު ހާޒިރުގައި ޝަރީއަތް ކުރިއަށް ގެންދިޔުމަށް އާ އަޑުއެހުމެއް ބާއްވަންޖެހެއެވެ.
އެހެންކަމުން، މި މައްސަލައިގެ ދެވަނަ އަޑުއެހުން ކޯޓުން މިއަދު ވަނީ އަންނަ ބުރާސްފަތި ދުވަހަށް ތާވަލުކޮށްފައެވެ.
އެ ކޯޓުން ވަނީ، ޖެނުއަރީ 14 އިން ފެށިގެން ފެބްރުއަރީ 4 އާ ދެމެދު ފަސް އަޑުއެހުމެއް ތާވަލުކޮށްފައެވެ. އަދި ޔޫން ހާޒިރުވެވަޑައިނުގެންފިނަމަ، ޣައިރު ހާޒިރުގައި ވެސް މައްސަލަ ކުރިއަށް ގެންދަން ކޯޓުން ވަނީ ނިންމައިފައެވެ.
ދެކުނު ކޮރެޔާގެ ޤާނޫނުއަސާސީގެ ދަށުން ރައީސްކަމުން އަޒުލުކުރިޔަސް، އެކަމާ މެދު ފަހު ބަސް ބުނާނީ ދެކުނު ކޮރެޔާގެ ދުސްތޫރީ ކޯޓުންނެވެ.
ދެ ފަހަރެއްގެ މަތިން ކޯޓުން ނެރެފައިވާ އަމުރު ތަންފީޒުކޮށް، ޔޫން ހައްޔަރުކުރުމަށް ތަހުޤީޤީ ޓީމުން ކުރަމުންދާ މަސައްކަތަށް، އެ މަނިކުފާނުގެ ސެކިޔުރިޓީ ބަލަހައްޓާ ސިފައިން ވަނީ ހުރަސްއަޅައިފައެވެ.
އެ އަމުރު ތަންފީޒުކުރަން ޕްރޮސެކިޔުޓަރުން ދިޔުމުން، އެ މަނިކުފާނު ދިރިއުޅުއްވާ ގެކޮޅު ވަށައިގެން ސިފައިން ވަނީ ބަންދުކޮށްފައެވެ.
ދެކުނު ކޮރެއާގައި ކުއްލި ޙާލަތު ޔޫން އިޢުލާނު ކުރެއްވި މައްސަލާގައި، ޤާނޫނު ހަދާ މަޖިލީހުގެ އަޣުލަބިއްޔަތުން އޭނާގެ މައްޗަށް އިތުބާރު ނެތް ކަމަށް ފާސްކުރީ މިދިޔަ މަހުގެ 13 ވަނަ ދުވަހުއެވެ.