ENGLISH
04 އޭޕްރީލު 2025
ލޮސް އެންޖެލީސް: މަރުވި މީހުންގެ އަދަދު 24 އަށް، ވައި ބާރުވެ އަލިފާން އިތުރަށް ފެތުރުމުގެ ބިރު
13 ޖެނުއަރީ 2025
|
އެންމެ މަޤްބޫލު
އެމެރިކާގެ ލޮސް އެންޖެލީސްގެ ޖަންގަލީގައި ރޯވި އަލިފާންގަނޑުގައި މުޅި ސިޓީ އަނދަމުންދާއިރު، އެ ހާދިސާގައި މިހާތަނަށް މަރުވި މީހުންގެ އަދަދު 24 އަށް އަރައިފިއެވެ.
އެމެރިކާގެ ދެވަނަ އަށް އެންމެ ބޮޑު ސިޓީގެ އެކި ހިސާބުތައް އަނދަމުންދާތާ މިހާރު ހަ ދުވަސް ވެފައިވާއިރު، ކުރިއަށް އޮތް ދުވަސްތަކުގައި ވައި ބާރު ވާނެ ކަމަށް ލަފާކުރެވޭތީ، އަލިފާންގަނޑު އިތުރަށް ފެތުރުމުގެ ބިރު ބޮޑުކަމަށް މޫސުމާބެހޭ އިދާރާއިން ބުންޏެވެ.
ވައި ބާރު ވެއްޖެނަމަ، އިތުރު ސަރަޙައްދުތަކަށް އަލިފާންގަނޑު ފެތުރުމުގެ ފުރުޞަތު ބޮޑުކަމަށް ފަޔަރ ފައިޓަރުން ދަނީ ބުނަމުންނެވެ.
އަލިފާންގަނޑު ފެތުރިފައިވާ މައި ތިން ސަރަޙައްދެއްގައި ފަޔަރ ފައިޓަރުން ދަނީ އަލިފާންގަނޑު ކޮންޓްރޯލްކުރުމުގެ މަސައްކަތް ކުރަމުންނެވެ. ނަމަވެސް، މިހާތަނަށް ކޮންޓްރޯލް ކުރެވިފައިވަނީ 25 ވަރަކަށް އިންސައްތަ އެވެ.
މުޅި ސިޓީގައި ހުޅުހިފާފައިވާއިރު، މިފަދަ ހާދިސާއަކަށް އެކަށީގެންވާ ވަރަށް ތައްޔާރުނުވެ، ވަސީލަތްތައް ވެސް ނެތް ކަމަށް އާންމުން ދަނީ ބުނަމުންނެވެ.
އަލިފާނާ މާ ދުރު ހިސާބުތަކުގެ މީހުންނަށް ވެސް، އަލިފާނުގެ ނުރައްކާ އޮތް ކަމަށް ބުނެ، ގެދޮރު ދޫކޮށް ދިއުމަށް އިންޒާރުގެ މެސެޖުތައް އޮޅިގެން ފޮނުވުނު މައްސަލައިގައި އާންމުން ތިބީ ރުޅިގަދަވެފައެވެ. މީގެ އިތުރުން އަލިފާން ނިއްވުމަށް ފެން ޖަހަން ބޭނުންކުރާ ފަޔަރ ހައިޑްރަންޓްތަކުން ވެސް ފެން ހުސްވެފައިވާ ކަމުގެ ޝަކުވާތަކެއް ވެސް ވަނީ ފެންމަތިވެފައެވެ.