ENGLISH

04 އޭޕްރީލު 2025

Advertisement

މިދިޔަ އަހަރު 3.4 ޓްރިލިއަން ޑޮލަރުގެ މުދާ ބޭރުކޮށް، ޗައިނާއިން އެކްސްޕޯޓުގެ ރެކޯޑެއް

13 ޖެނުއަރީ 2025

|

ހަސަން އާމިރު

ޗައިނާ އިން މިދިޔަ އަހަރު ރެކޯޑު އަދަދަކަށް މުދާ އެކްސްޕޯޓު ކޮށްފައިވާ ކަމަށް، އެ ޤައުމުގެ ދައުލަތުގެ މީޑިޔާއިން ބުނެފިއެވެ.

އެތެރޭގެ ވިޔަފާރި އާއި ރިއަލްއެސްޓޭޓް ދަށްވިނަމަވެސް، މިދިޔަ އަހަރު ޗައިނާއިން ބޭރުކުރި މުދަލުގެ ނިސްބަތް ވަރަށް ބޮޑަށް އިތުރުވެފައިވާ ކަމަށް ބުނެފައިވެއެވެ.

ޗައިނާ ދައުލަތުގެ މީޑިޔާ ސީސީޓީވީން ބުނީ މިދިޔަ އަހަރަކީ، އެ ޤައުމުގެ ތާރީޚުގައި، އެކްސްޕޯޓު ކުރި މުދަލުގެ އަގު 25 ޓްރިލިއަން ޔުއާން ހުރަސްކުރި ފުރަތަމަ ފަހަރު ކަމަށެވެ.

މިގޮތުން، މިދިޔަ އަހަރު 25.45 ޓްރިލިއަން ޔުއާން ނުވަތަ 3.4 ޓްރިލިއަން ޑޮލަރުގެ މުދާ ޗައިނާ އިން އެކްސްޕޯޓު ކޮށްފައިވާ ކަމަށް ބުންޏެވެ.

މިއީ އޭގެ ކުރީގެ އަހަރުތަކާ އަޅާ ބަލާއިރު، 7.1 ޕަސެންޓުގެ ކުރިއެރުމެކެވެ.

މިދިޔަ އަހަރު ޗައިނާއިން އިމްޕޯޓު ކުރި މުދަލުގެ އަގު 18.39 ޓްރިލިއަން ޔުއާން އަށް އަރައިފައެވެ. މިއީ އޭގެ ކުރީ އަހަރާ ބަލާއިރު، 2.3 ޕަސެންޓުގެ އިތުރުވުމެކެވެ.

ޗައިނާއިން އެކްސްޕޯޓު ކުރާ މުދަލުގެ އަގު ރެކޯޑް މިންވަރަކަށް އުފުލިފައިވާއިރު، އެމެރިކާއަށް ބޭރުކުރާ މުދަލުން ޑިޔުޓީ އިތުރުކުރާނެކަމުގެ އިންޒާރު އެ ޤައުމުގެ އިންތިޚާބީ ރައީސް ޑޮނަލްޑް ޓްރަމްޕް ވަނީ ދެއްވައިފައެވެ.

ކިޔުންތެރިންގެ ހިޔާލު