ENGLISH
04 އޭޕްރީލު 2025
ދެކުނު ކޮރެޔާގެ މަތިންދާބޯޓު ވެއްޓުމުގެ ކުރިން ކަޅުފޮށިތަކުން ރެކޯޑުކުރުން ހުއްޓުނު
12 ޖެނުއަރީ 2025
|
އެންމެ މަޤްބޫލު
ދެކުނު ކޮރެޔާގެ ޖޭޖޫ އެއާލައިންސްގެ ފްލައިޓެއް ޖައްސަން އުޅުމުގެ ތެރޭގައި، ރަންވޭ މަތިން ކަހާލައިގެން ހިނގި ހާދިސާގައި، ފަހު ހަތަރު މިނެޓު ކަޅުފޮށިތަކަށް ރެކޯޑް ކުރެވިފައިނުވާ ކަމަށް އެ ޤައުމުގެ ޓްރާންސްޕޯޓު މިނިސްޓްރީން ބުނެފިއެވެ.
ދެކުނު ކޮރެޔާގެ ތާރީޚުގައި ހިނގި އެންމެ ހިތާމަވެރި ހާދިސާގައި އެ ބޯޓުން ދަތުރުކުރި 181 މީހުންގެ ތެރެއިން، 179 މީހުން ވަނީ މަރުވެފައެވެ.
މި ހާދިސާ ހިނގާފައިވަނީ ޑިސެމްބަރު 29 ވަނަ ދުވަހު ތައިލެންޑުގެ ވެރިރަށް ބެންކޮކުން ފުރައިގެން އައި ޖޭޖޫ އެއާލައިންސްގެ 2216 ފްލައިޓް، ދެކުނު ކޮރެޔާގެ މުވާން އިންޓަނޭޝަނަލް އެއާޕޯޓަށް ޖައްސަން އުޅުމުގެ ތެރޭގައެވެ.
އެ ބޯޓުގެ ދެ ކަޅުފޮއްޓާއި ޕައިލެޓުން ތިބޭ ކޮކްޕިޓްގެ ވޮއިސް ރެކޯޑަރު ހޯދާފައިވާއިރު، މި ހާދިސާ ހިނގުމުގެ ހަތަރު މިނެޓު ކުރިން ރެކޯޑު ކުރެވިފައި ނުވާކަމަށް ޓްރާންސްޕޯޓް މިނިސްޓްރީން ނެރުނު ބަޔާނެއްގައި ބުންޏެވެ.
އެ ޑޭޓާ ރިކަވަރ ކުރެވޭތޯ، ދެކުނު ކޮރެޔާއިން ވަނީ އެމެރިކާގެ ކަމާގުޅޭ އިދާރާއަށް ވެސް ފޮނުވައިފައެވެ. ނަމަވެސް، އެ ހަތަރު މިނެޓުގެ ރެކޯޑިން ރިކަވަރ ކުރުމުގެ އެއްވެސް ފުރުޞަތެއް ނެތްކަމުގެ މަޢުލޫމާތު ވަނީ ލިބިފައެވެ.
އެ ހާދިސާ ހިނގުމުގެ އެންމެ ފަހު ވަގުތުކޮޅުގެ ރެކޯޑިން ނެތި، ހާދިސާ ހިނގަން މެދުވެރި ސަބަބު ދެނެގަންނަން ދަތިވާނެކަމަށް ބެލެވުނަސް، އެ މަސައްކަތް ހުއްޓައިނުލާނެ ކަމަށް ޓްރާންސްޕޯޓް މިނިސްޓްރީން ބުންޏެވެ.
އޮފިޝަލުންނާ ޙަވާލާދީ ބައެއް ރިޕޯޓުތައް ބުނާ ގޮތުގައި، މި ހާދިސާ ހިނގަން މެދުވެރިވީ ބޯޓު ޖައްސަން އައި ވަގުތު، ދޫންޏެއް ބޯޓުގައި ޖެހިގެންނެވެ.
ނަމަވެސް، ބޯޓުގެ ލޭންޑިން ގިޔަރަށް މައްސަލައެއް ދިމާވީ ކަމަށް ވެސް ބައެއް ރިޕޯޓުތައް ބުންޏެވެ.
އެ ހާދިސާގައި މުވާން އެއާޕޯޓުގެ ރަންވޭ ޑިޒައިންކޮށްފައި އޮތް ގޮތާ މެދު ބައެއް ފަރާތްތަކުން ދަނީ ސުވާލު އުފައްދަމުންނެވެ.