ENGLISH
04 އޭޕްރީލު 2025
އަޒުލުކުރި މައްސަލައިގެ ފުރަތަމަ އަޑުއެހުމަށް ދެކުނު ކޮރެޔާގެ ކުރީގެ ރައީސް ޔޫން ވަޑައިނުގަންނަވާނެ
12 ޖެނުއަރީ 2025
|
އެންމެ މަޤްބޫލު
ދެކުނު ކޮރެޔާގައި ކުއްލި ޙާލަތު އިޢުލާނުކުރެއްވުމާ ގުޅިގެން ރައީސްކަމުގެ މަޤާމުން އަޒުލުކޮށްފައިވާ މައްސަލައިގެ ޝަރީއަތުގެ ފުރަތަމަ އަޑުއެހުމަށް، ސަލާމަތީ ގޮތުން ރައްކާތެރި ނުވާތީ، ޔޫން ސުކް ޔެއޯލް ހާޒިރުވެވަޑައިނުގަންނަވާނެ ކަމަށް އެ މަނިކުފާނުގެ ވަކީލުންގެ ޓީމުން ބުނެފިއެވެ.
ދެ ފަހަރެއްގެ މަތިން ކޯޓުން ނެރެފައިވާ އަމުރު ތަންފީޒުކޮށް، ޔޫން ހައްޔަރުކުރުމަށް ތަހުޤީޤީ ޓީމުން ކުރަމުންދާ މަސައްކަތަށް، އެ މަނިކުފާނުގެ ސެކިޔުރިޓީ ބަލަހައްޓާ ސިފައިން ވަނީ ހުރަސްއަޅައިފައެވެ.
އެ އަމުރު ތަންފީޒުކުރަން ޕްރޮސެކިޔުޓަރުން ދިޔުމުން، އެ މަނިކުފާނު ދިރިއުޅުއްވާ ގެކޮޅު ވަށައިގެން ސިފައިން ވަނީ ބަންދުކޮށްފައެވެ.
ދެކުނު ކޮރެޔާގެ ޤާނޫނުއަސާސީގެ ދަށުން ރައީސްކަމުން އަޒުލުކުރިޔަސް، އެކަމާ މެދު ފަހު ބަސް ބުނާނީ ދެކުނު ކޮރެޔާގެ ދުސްތޫރީ ކޯޓުންނެވެ.
އެ ކޯޓުން ވަނީ، ޖެނުއަރީ 14 އިން ފެށިގެން ފެބްރުއަރީ 4 އާ ދެމެދު ފަސް އަޑުއެހުމެއް ތާވަލުކޮށްފައެވެ. އަދި ޔޫން ހާޒިރުވެވަޑައިނުގެންފިނަމަ، ޣައިރު ހާޒިރުގައި ވެސް މައްސަލަ ކުރިއަށް ގެންދަން ކޯޓުން ވަނީ ނިންމައިފައެވެ.
ޔޫންގެ ޤާނޫނީ ޓީމުން ނެރުނު ބަޔާނެއްގައި ބުނީ އެ މަނިކުފާނުގެ ސަލާމަތާއި ރައްކާތެރިކަން ކަށަވަރުނުކުރެވޭތީ، ޖެނުއަރީ 14 ގައި ތާވަލުކޮށްފައިވާ އަޑުއެހުމަށް ވަޑައިނުގަންނަވާނެ ކަމަށެވެ.
ނަމަވެސް، އެ ޙާލަތު ބަދަލުވެއްޖެނަމަ، ދެން ތާވަލުކޮށްފައިވާ އަޑުއެހުންތަކަށް ހާޒިރުވެވަޑައިގެންނެވުމުގެ ފުރުޞަތު އޮތް ކަމަށް ވެސް ވަކީލުންގެ ޓީމުން ބުނެފައިވެއެވެ.
ދެކުނު ކޮރެއާގައި ކުއްލި ޙާލަތު ޔޫން އިޢުލާނު ކުރެއްވި މައްސަލާގައި، ޤާނޫނު ހަދާ މަޖިލީހުގެ އަޣުލަބިއްޔަތުން އޭނާގެ މައްޗަށް އިތުބާރު ނެތް ކަމަށް ފާސްކުރީ މިދިޔަ މަހުގެ 13 ވަނަ ދުވަހުއެވެ.
އެ މައްސަލަ ބަލަން ފަށައި، ކުއްލި ޙާލަތު އިޢުލާނުކުރުމާ ގުޅޭގޮތުން ސުވާލުކުރުމަށް ޕްރޮސެކިޔުޓަރުން އެދުނު އެދުމަށް ޔޫން ގެންދަވަނީ ތަކުރާރުކޮށް ދެކޮޅު ހައްދަވަމުންނެވެ.
ނަމަވެސް، ކޯޓުން ދެ ފަހަރެއްގެ މަތިން އަމުރު ހޯދައިގެން ވެސް ޔޫން ހައްޔަކުރުމަށް އެއްވެސް ކުރިއެރުމެއް މިހާތަނަށް ލިބިފައެއް ނުވެއެވެ.