ENGLISH
04 އޭޕްރީލު 2025
ޓްރަމްޕްގެ މައްޗަށް ސާބިތުވި ކުށަށް އަދަބެއް ނުދިން، އެކަމަކު ޖިނާއީ ކުށެއްގެ ރެކޯޑަށް
11 ޖެނުއަރީ 2025
|
އެންމެ މަޤްބޫލު
އެމެރިކާގެ އިންތިޚާބީ ރައީސް ޑޮނަލްޑް ޓްރަމްޕްގެ މައްޗަށް ސާބިތުވެފައިވާ ރިޝްވަތު ދިނުމާއި ޚިޔާނާތް ފޮރުވަން މަސައްކަތް ކުރުމުގެ ކުށަށް އަދަބު ނުދޭން، ކޯޓުން ޙުކުމްކޮށްފިއެވެ.
ޓްރަމްޕްގެ މައްޗަށް ރިޝްވަތު ދިނުމާއި، ޚިޔާނާތް ފޮރުވަން މަސައްކަތް ކުރެއްވުމުގެ ދަޢުވާ ސާބިތުވާ ކަމަށް ކަނޑައަޅާފައިވަނީ މިދިޔަ މެއި މަހުގެ ތެރޭގައެވެ.
ކުރިން ލަފާކުރެވުނު ގޮތަށް ޓްރަމްޕް ޖަލަށް ލާން ވެސް އަދި ޖޫރިމަނާ ވެސް ނުކުރަން ނިއު ޔޯކުގެ ކޯޓުން ރޭ ވަނީ ޙުކުމްކޮށްފައެވެ.
ނަމަވެސް، ކުށް ސާބިތުވާ ކަމަށް ކޯޓުން ކަނޑައަޅާފައިވާތީ، ޖިނާއީ ކުށެއް ސާބިތުވެފައިވާ ކުށްވެރިއެއްގެ ގޮތުގައި ޓްރަމްޕްގެ ރެކޯޑުގައި ވަނީ ހިމެނިފައެވެ.
ރައީސްކަމާ ޓްރަމްޕް ވެރިކަމާ ޙަވާލުވެވަޑައިގަންނަވާނީ، ޖިނާއީ ކުށެއް ސާބިތުވެފައިވާ ކުށްވެރިއެއްގެ ގޮތުގައެވެ.
މިއީ އެމެރިކާގެ ތާރީޚުގައި ރައީސެއްގެ މައްޗަށް ޖިނާއީ ކުށެއް ސާބިތުވި ފުރަތަމަ ފަހަރެވެ.
ޓްރަމްޕްގެ މައްޗަށް ދަޢުވާ އުފުލީ، އޮރިޔާންކާޑު އުފައްދާ އަންހެނެއް ކަމުގައިވާ ސްޓޯމީ ޑެނިޔެލްސް އާ އެކު ބޭއްވި ނަހަމަ ގުޅުންތައް ފޮރުވަން ރިޝްވަތު ދިނުމާއި، އެ މުޢާމަލާތް ސިއްރު ކުރުމަށް ވިޔަފާރީގެ ލިިޔެކިޔުންތައް އޮޅުވައިލެއްވި ކަމަށް ތުހުމަތުކޮށެވެ.
އެ މުޢާމަލާތް ހިންގާފައި ވަނީ 2016 ވަނަ އަހަރު ބޭއްވި އެމެރިކާގެ ރިޔާސީ އިންތިޚާބުގެ ކުރިންނެވެ. ޑެނިޔެލްސަށް ޓްރަމްޕް ރިޝްވަތު ދެއްވާފައި ވަނީ ރިޔާސީ ރޭހުގައި ކުރިއެރުން ހޯދުމަށް، އޭނާއާ ގުޅޭ މަޢުލޫމާތުތަކެއް ސިއްރު ކުރުމުގެ ބޭނުމުގައެވެ.