ENGLISH

04 އޭޕްރީލު 2025

Advertisement

ޖަންގަލީގައި ރޯވި އަލިފާންގަނޑު ފެތުރި، އެމެރިކާގެ ލޮސް އެންޖެލީސް އަނދަނީ

09 ޖެނުއަރީ 2025

|

ހަސަން އާމިރު

އެމެރިކާގެ ލޮސް އެންޖެލީސްގެ ޖަންގަލީގައި ރޯވި އަލިފާންގަނޑު މުޅި ސިޓީއަށް ފެތުރި، މިހާތަނަށް ފަސް މީހަކު މަރުވެފައިވާ ކަމަށް ކަމާގުޅޭ އިދާރާތަކުން ބުނެފިއެވެ.

އެމެރިކާގެ ދެވަނަ އަށް އެންމެ ބޮޑު ސިޓީގައި 1،500 އަށް ވުރެ ގިނަ އިމާރާތުގައި ހުޅުގަނޑު ހިފާފައިވާއިރު، 100،000 އަށް ވުރެ ގިނަ މީހުން ވަނީ ސަލާމަތީ ސަރަޙައްދުތަކަށް ގެންދެވިފައެވެ.

އެހާ ބާރުމިނުގައި އަލިފާންގަނޑު ފެތުރެމުންދަނީ، ވައި ބާރުވުމުގެ ސަބަބުން ކަމަށް ފަޔަރ ޑިޕާޓްމަންޓުން ބުންޏެވެ.

ވައިބާރުވުމުގެ ސަބަބުން، އަލިފާންގަނޑު ފެތުރިފައިވާ މައި ދެ ސަރަޙައްދެއްގައި ފަޔަރ ފައިޓަރުން ދަނީ އަލިފާންގަނޑު ކޮންޓްރޯލްކުރުމުގެ މަސައްކަތް ކުރަމުންނެވެ.

އެމެރިކާގެ ފިލްމު ސިޓީ، ހޮލީވުޑްގެ ގޮތުގައި މަޝްހޫރު ލޮސް އެންޖަލީސްގައި ހިނގަމުންމިދާ ހާދިސާގައި ލިބުނު ގެއްލުންތަކުގެ އަގު 57 ބިލިއަން ޑޮލަރަށް އަރާނެކަމަށް ބައެއް ފަރާތްތަކުން ވަނީ ލަފާކޮށްފައެވެ.

އަލިފާންގަނޑު ފެތުރުމުގެ ސަބަބުން، 300،000 ގެބީސީއަކުން ކަރަންޓު ކެނޑިފައިވާ ކަމަށް ވެސް އިދާރާތަކުން ބުންޏެވެ.

ކިޔުންތެރިންގެ ހިޔާލު