ENGLISH

04 އޭޕްރީލު 2025

Advertisement

ޣައްޒާގެ ވަގުތީ ހިޔާތަކަށް އިޒްރޭލުން ބޮން އަޅައި 49 މީހަކު ޝަހީދުކޮށްލައިފި

08 ޖެނުއަރީ 2025

|

ހަސަން އާމިރު

ފަލަސްތީނުގެ ޣައްޒާގައި ގެދޮރު ގެއްލިފައި މީހުން ދިރިއުޅެމުން ދިޔަ ވަގުތީ ހިޔާތަކަށް އިޒްރޭލުން އިއްޔެ ދިން ރަހުމުކުޑަ ވައިގެ ޙަމަލާތަކެއްގައި 49 މީހަކު ޝަހީދުވެފައިވާއިރު، އޭގެތެރޭގައި ކުޑަކުދިންނާއި އަންހެނުން ހިމެނޭ ކަމަށް ޣައްޒާގެ ސިއްހީ ވުޒާރާއިން ބުނެފިއެވެ.

އެ ވުޒާރާއިން ބުނީ، އިއްޔެގެ ހެނދުނުން ފެށިގެން ދެކުނު ޣާއްޒާގައި އެތައް ހާސް ފަލަސްތީނުގެ ރައްޔިތުން ވަގުތީ ހިޔާވަހިކަން ހޯދައިގެން ތިބި އަލް-މަވާސީ ކޭމްޕަށް ވައިގެ ޙަމަލާތައް ދެމުންދާއިރު، ޝަހީދުވި މީހުންގެ ތެރޭގައި ފަސް ކުޑަކުދިން ވެސް ހިމެނޭ ކަމަށެވެ.

ޝަހީދުވި މީހުންގެ އިތުރުން، އެ ލާއިންސާނީ ޙަމަލާތަކުގައި 57 މީހަކު ޒަޚަމްވެގެން ފަރުވާދެމުންދާ ކަމަށް ވެސް އެ ވުޒާރާއިން ބުނެފައިވެއެވެ.

ޣައްޒާއަށް ޔަހޫދީ ފައުޖުން ޙަމަލާތައް ދެމުން އަންނަތާ 15 މަސް ދުވަސް ވެފައިވާއިރު، އެ ޙަމަލާތަކުގައި ފަލަސްތީނުގެ މައުސޫމް 45،800 އަށް ވުރެ ގިނަ މީހުން މިހާތަނަށް ވަނީ ޝަހީދުވެފައެވެ.

ބަނަލްއަޤުވާމީ ކަންބޮޑުވުންތަކަށް ބީރު ކަންފަތެއް ދީފައި، ޙަމާސް ޖަމާޢަތުގެ ހަނގުރާމަވެރިން ފިލައިތިބި ކަމަށް ބުނެ، އިޒްރޭލުން ދަނީ ވަގުތީ ހިޔާތަކަށް އަމާޒުކޮށް ޙަމަލާތައް ދެމުންނެވެ.

ކިޔުންތެރިންގެ ހިޔާލު