އަންނަ ބުރާސްފަތި ދުވަސް ސަރުކާރު ބަންދުވި ނަމަވެސް މޯލްޑިވްސް އިމިގްރޭޝަނުގެ ޚިދުމަތް އެ ދުވަހު ދޭ ގޮތަށް ނިންމައިފިއެވެ.

އިމިގްރޭޝަނުން ވިދާޅުވީ މާލޭ އޮފީހުގެ ޚިދުމަތް ބުރާސްފަތި ދުވަހު ލިބޭނެ ކަމަށާއި އަދި އިމުގާ އޮންލައިން ޕޯޓަލް މެދުވެރިކޮށް 24 ގަޑިއިރު ޕާސްޕޯޓުގެ ހިދުމަތް ވެސް ލިބޭނެއެވެ.

އުމުރުން 65 އަހަރުން މަތީގެ މީހުންގެ އިތުރުން އިމަޖެންސީ ޚިދުމަތް ބޭނުންވާ ފަރާތްތަކަށް ފަސޭހަކޮށް ދިނުމުގެ ގޮތުން އިމިގްރޭޝަން އޮފީސް ހުޅުވާފައި ހުންނާނީ ހެނދުނު 8:30 އިން ދަންވަރު 2:00 އަށެވެ.  

ޕާސްޕޯޓް ނެގުމަށް ކިއު ނަންބަރު ދޫކުރާނީ ހެނދުނު 8:30 އިން މެންދުރު ފަހު 2:00 އަށެވެ. އެ ގަޑިތަކުގައި ކިއުބީ އެޕްލިކޭޝަން މެދުވެރިކޮށް ނުވަތަ ސީދާ އިމިގްރޭޝަން އޮފީހުން ވެސް ނަމްބަރު ދޫކުރާނެ އެވެ.