ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ދިވެހިރާއްޖޭގެ 61 ވަނަ މިނިވަން ދުވަހުގެ ރަސްމީ ޖަލްސާ ޝަރަފުވެރިކޮށްދެއްވައިފި.

ޒުވާނުންގެ މަރުކަޒުގެ ހޯލުގައި 26 ޖުލައި 2026 ވަނަ ދުވަހު ބޭއްވެވި މި ޖަލްސާގައި އެމަނިކުފާނުގެ އަނބިކަނބަލުން ސާޖިދާ މުޙައްމަދުވެސް ބައިވެރިވެވަޑައިގެންނެވި.

މި ޖަލްސާގައި ރައީސުލްޖުމްހޫރިއްޔާ ވަނީ، ދިވެހި ޤައުމާ މުޚާޠަބުކުރައްވާފަ.

ޖަލްސާގައި ރައީސުލްޖުމްހޫރިއްޔާ އަށް ވަނީ، ފަތްތޫރަ މަޖައްލާގެ ޚާއްޞަ އަދަދެއްވެސް ހަދިޔާކުރައްވާފަ.

ޖަލްސާގައި ވަނީ، ދިވެހި ދައުލަތުގެ މަތިވެރި ޢިއްޒަތް ލިބިވަޑައިގެންނެވި 4 ބޭފުޅަކަށް އެ ޢިއްޒަތް އަރުވާފަ. 

ދިވެހި ދައުލަތަށް ޚިދުމަތް ކުރުމުގެ އިނާމު ލިބިވަޑައިގެންނެވި 66 ބޭފުޅަކަށް ޝަރަފުގެ ބެޖާއި، ޝަރަފުގެ އައްޑަނަވެސް ޖަލްސާގައި ދެއްވާފައިވޭ. 

މި ޖަލްސާގައި ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފާއި، ރައްޔިތުންގެ މަޖިލީހުގެ ރައީސް އޮނަރަބަލް ޢަބްދުއްރަހީމް ޢަބްދުﷲ އާއި އުއްތަމަ ފަނޑިޔާރު އޮނަރަބަލް އަލްއުސްތާޛު ޢަބްދުލްޣަނީ މުޙައްމަދު އާއި ވަޒީރުންނާއި ދައުލަތުގެ އިސްވެރިންނާއި، ބޭރު ޤައުމުތަކުގެ ސަފީރުންނާއި ޢިއްޒަތްތެރިން ބައިވެރިވެވަޑައިގަތް.