"ރީޖަނަލް ގްރީން އިކޮނޮމީ ފޯރަމް 2026" މި މަހުގެ ފަހު ދެ ދުވަހު ބާއްވަން ނިންމައިފި އެވެ.

މިއީ މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ އާއި ވޯލްޑް ގްރީން އިކޮނޮމީ އޯގަނައިޒޭޝަން އަދި އޭއޯއެސްއައިއެސް ގުޅިގެން ބާއްވާ ފޯރަމެކެވެ.

މި ފޯރަމްގެ މައިގަނޑު މަގުސަދަކީ އޭޝިއާ-ޕެސިފިކް ސަރަހައްދަށް ދެމެހެއްޓެނިވި އަދި ތަހައްމަލުކުރެވޭނެ މުސްތަގުބަލެއް ބިނާކުރުމަށްޓަކައި ބޭނުންވާ މުހިންމު އިސްތިރާޖީތަކާ ބެހޭގޮތުން މަޝްވަރާކޮށް، އެކަމަށް މަގުފަހިކުރުމެވެ.

މި ފޯރަމް އޮންނާނީ ޖުލައި 29 އަދި 30 މި ދެ ދުވަހު ނިވާ ކުރުމްބާ ގަ އެވެ.