ފަސްޓްލައިން މެނޭޖްމެންޓް ކޯހުގެ 16 ވަނަ ބުރު 25 ފުލުހުންނާއެކު ފަށައިފިއެވެ.

ފުލުހުންގެ މީޑިއާއިން މައުލޫމާތު ދޭ ގޮތުގައި މިފަހަރު މި ކޯސް ކުރިއަށް ގެންދަން ރާވާފައިވަނީ މާލެ ފޮލިހުގެ ފުލުހުންނަށް ހާއްސަކޮށްގެންނެވެ.

މި މަހުގެ 13 ވަނަ ދުވަހު ފެށި މި ކޯސް، މަސްދުވަސް ވަންދެން ކުރިއަށްދާނެއެވެ.

މިއީ ނޭޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމަންޓާއި މާލެ ޕޮލިސް ގުޅިގެން ކުރިއަށްގެންދާ ހާއްސަ ކޯހެކެވެ.

ފަސްޓްލައިން މެނޭޖުމަންޓް ކޯހަކީ ފްރަންޓްލައިންގައި މަސައްކަތްކުރާ ފުލުހުންނާއި ސުޕަވައިޒަރުންގެ ހުނަރާއި ގާބިލުކަން އިތުރުކުރުމަށް ފަރުމާކޮށްގެން ކުރިއަށް ގެންދާ ކޯހެކެވެ.

މި ކޯހުގެ މަގުސަދަކީ، ފުލުހުންގެ ހިދުމަތް އިތުރަށް ކުރިއަރުވައި، ޕްރޮފެޝަނަލް ހިދުމަތެއް ދިނުމަށް ބޭނުންވާ އިލްމާއި، ވިސްނުމާއި ހުނަރު އިތުރުކުރުވުމާއި، ރައްޔިތުންނަށް ފޯރުކޮށްދެވޭ ހިދުމަތް ހަރުދަނާކުރުމާއި ސުޕަވައިޒަރުންގެ ގޮތުގައި މަސައްކަތްކުރާ ފުލުހުންގެ ގާބިލުކަން އިތުރުކުރުމެވެ.