ENGLISH
04 އޭޕްރީލު 2025
މަސް ފިނިކުރާ ނިޒާމު ޤާއިމުކުރި ދޯނިފަހަރަށް އައިއެސްޑީބީގެ ވަފުދު ޒިޔާރަތް ކުރައްވައިފި
23 ޑިސެމްބަރު 2024
|
މިނިސްޓަރ އަޙުމަދު ޝިޔާމް، އައިއެސްޑީބީގެ ވެރިންނާއި ބުރާސްފަތި ދުވަހު ބައްދަލުކުރައްވަނީ.-- ފޮޓޯ/ ފިޝަރީޒް މިނިސްޓްރީ
އެންމެ މަޤްބޫލު
ރެފްރިޖެރޭޓެޑް ސީ ވޯޓާ (އާރުއެސްޑަބްލިޔު) ސިސްޓަމް ނުވަތަ މަސް ފިނިކުރާ ނިޒާމު ޤާޢިމުކޮށްފައިވާ މަސް ދޯނިފަރަށް އިސްލާމިކް ޑިވެލޮޕްމަންޓް ބޭންކް (އައިއެސްޑީބީ) ވަފުދުގެ ބޭފުޅުން ޒިޔާރަތް ކުރައްވައިފިއެވެ.
މަސް ދޯނި ފަހަރުގައި މަސް ފިނިކުރާ ނިޒާމު ޤާއިމު ކުރުމުގެ މާޝްރޫޢު، މަސްވެރިކަމާއި ކަނޑުގެ ވަޞީލަތްތަކާ ބެހޭ ވުޒާއިން ކުރިއަށް ގެންދަނީ އައިއެސްޑީބީ އާއި ލައިވްސް އެންޑް ލައިވްލިހުޑް ފަންޑު (އެލްއެލްއެފް) ގެ އެހީގައެވެ.
މަސްވެރިކަމާ ބެހޭ ވުޒާރާއިން އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މިހާރު ރާއްޖެ ވަޑައިގެން އުޅުއްވާ އައިޑީބީ ގްރޫޕުގެ މިޝަންގެ ބޭފުޅުންނާއި މިނިސްޓްރީގެ ޕްރޮޖެކްޓް މެނޭޖުމަންޓް ޔުނިޓުގެ ބޭފުޅުން، ފުރަތަމަ ފޭސްގައި، މަސްފިނިކުރާ ނިޒާމު ޤާއިމުކުރި ދޯނިފަަހަރު ގެންގުޅޭ ބައެއް ފަރާތްތަކާއި ބައްދަލުކުރަައްވާފައިވާ ކަމަށެވެ.
މަސްވެރިކަމާ ބެހޭ ވުޒާރާއިން ހިންގާ މި މަޝްރޫއުގެ ދަށުން ދޯނީގައި މަސްފިނިކުރާ ނިޒާމުގެ އިތުރުން، ސޯލާ ޕީވީ ސިސްޓަމް ވެސް ދޯނިފަހަރުގައި ޤާއިމުކޮށްދެއެވެ. މި މަޝްރޫއުގެ ދަށުން ދެމިލިއަން ރުފިޔާ އާ ހަމައަށް 10 އަހަރު ދުވަހުގެ ތެރޭގައި އަނބުރާ ދައްކާގޮތަށް ފައިސާ ދޫކޮށްފައިވެއެވެ.
މިނިސްޓަރ އަޙުމަދު ޝިޔާމް، އައިއެސްޑީބީގެ ވެރިންނާއި ބުރާސްފަތި ދުވަހު ބައްދަލުކުރައްވާ، އާރްއެސްޑަބްލިއު ފައިނޭންސިންގ ޕްރޮޖެކްޓް ކުރިއަށްދާ ގޮތާ ބެހޭގޮތުން މަޝްވަރާކުރައްވާފައިވެއެވެ.