ENGLISH
07 މާރިޗު 2026
Advertisement
ށ. އަތޮޅު ހޮސްޕިޓަލްގައި ސްޕީޗް ތެރަޕީގެ ޚިދުމަތް ފަށައިފި
07 މާރިޗު 2026
|
ށ. އަތޮޅު ހޮސްޕިޓަލް: އެ ހޮސްޕިޓަލްގައި ސްޕީޗް ތެރެޕީ ޚިދުމަތް މިހާރު ވަނީ ފަށާފަ--ފޮޓޯ: ށ. އަތޮޅު ހޮސްޕިޓަލް
Advertisement
އެންމެ މަޤްބޫލު
ށ. ފުނަދޫގައި ހުންނަ އަތޮޅު ހޮސްޕިޓަލުގައި ސްޕީޗް ތެރަޕީގެ ޚިދުމަތް ފަށައިފިއެވެ.
ށ. ފުނަދޫގައި ހުންނަ އެއަތޮޅު، އަތޮޅު ހޮސްޕިޓަލަށް ސްޕީޗް ތެރެޕިސްޓަކު ހަމަޖެހުނުކަން އެ ހޮސްޕިޓަލުން ހާމަކުރީ މިމަހުގެ 4 ވީ ބުދަ ދުވަހުއެވެ. އަދި ހިދުމަތް ބުރާސްފަތި ދުވަހު ފެށިކަން އިއުލާންކޮށް، ތެރެޕީ ބޭނުންވާ ފަރާތްތަކުން، ހިދުމަތް ހޯދުމަށް ރަޖިސްޓްރީވާން މިހާރު ވަނީ ހުޅުވާލާފައެވެ.
މި ތެރެޕީގެ ތެރެއިން ލިބޭނީ:
- ސިކުނޑިއަށް ލިބޭ ގެއްލުމެއްގެ ސަބަބުން ނުވަތަ އޮޕަރޭޝަނެއްގެ ސަބަބުން ،ނުވަތަ މޫނުގައި ހުންނަ އައިބެއްގެ ސަބަބުން ކާބޯތަކެތި ދިރުވުމަށާއި ވާހަކަ ދެއްކުމަށް ދިމާވާ ދަތިތަކަށް ދެވޭ ފަރުވާ.
- ސިކުނޑިއަށް ލިބޭ ގެއްލުމެއްގެ ސަބަބުން ނުވަތަ އޮޕަރޭޝަނެއްގެ ސަބަބުން ،ނުވަތަ މޫނުގައި ހުންނަ އައިބެއްގެ ސަބަބުން ކާބޯތަކެތި ދިރުވުމަށާއި ވާހަކަ ދެއްކުމަށް ދިމާވާ ދަތިތަކަށް ދެވޭ ފަރުވާ.
- އަކުރުކިޔަން ދަތިވުމާއި، ދައްކާވާހަކަ ސާފުނުވާނަމަ ދެވޭ ތެރެޕީ
- ވިސްނުމާއި ބެހޭ ހުނަރުތައް ދަސްކޮށްދިނުމަށް ދެވޭ ތެރެޕީ
- އާގަތުމަށް ދެވޭ ތެރެޕީ
- ވާހަކަ ދެއްކުން ލަސްވުމާއި، ވާހަކަ ދެއްކުމުގެ، ނުވަތަ ދައްކާ ވާހަކަ ދޭހަވުމުގައި ކުރިމަތިވާ މައްސަލަތަކަށް ދެވޭ ތެރަޕީ
- މީހުންނާއި ގުޅިގެން އުޅުމާއި ވާހަކަދެއްކުމުގެ ހުނަރާއި ގުޅޭ ތެރެޕީ
- ޑިސްޕޭޖިއާ ތެރެޕީ
- އަޑުގެ ތެރެޕީ
- އުގެނުމުގައި ނުވަތަ ކިޔެވުމުގައި ދިމާވާ ދަތިތަކަށް ދެވޭ ތެރެޕީ
- އަޑު އިވުމުގެ އެކި ދަތިތަކަށް ދެވޭ ތެރެޕީ
ށ. އަތޮޅަކީ ރާއްޖޭގެ ނިސްބަތުން ސްޕީޗް ތެރެޕީ ބޭނުންވާ ކުދިން ގިނަ އަތޮޅުކެވެ. މީގެ ކުރިން އެ އަތޮޅުން މި ހިދުމަތް ބޭނުންވާ ފަރާތްތަކުން، ދާން ޖެހެނީ ހދ. ކުޅުދުއްފުށީ ރީޖަނަލް ހޮސްޕިޓަލަށް ނުވަތަ މާލެ ސަރަހައްދުގެ ކޮންމެވެސް ސެންޓަރަކަށެވެ. އެހެންކަމުން އޭރު މި ފަރުވާ ހޯދުމުގައި ގިނަ ފަރާތްތަކަކަށް ވަނީ ވަރަށް ބޮޑު ތަކުލީފަކަށް ވެފައެވެ.
ށ. އަތޮޅު ހޮސްޕިޓަލުން ސްޕީޗް ތެރެޕީ ހިދުމަތް ލިބޭނެ އިންތިޒާމް ހަމަޖައްސައި ދިނުމަށް، ރައީސުލްޖުމްހޫރިއްޔާ މިދިޔަ އަހަރު އޮކްޓޫބަރު 15 ވަނަ ދުވަހު ށ. ފުނަދޫއަށް ވަޑައިގަތުމުން އެމަނިކުފާނުގެ އަރިހުން، އެރަށުގެ ގިނަ ބަޔަކު ވަނީ އެދިފައެވެ. އަދި ފުނަދޫ ރައްޔިތުންނާއި ބައްދަލުކުރައްވާ، އެކަން އެމަގުން ކޮށްދެއްވާނެ ކަމަށް، ރައީސުލްޖުމްހޫރިއްޔާ ވިދާޅުވިއެވެ.
